إتحاف الخيرة المهرة بزوائد المسانيد العشرة
كتاب العلم— علم کا بیان۔
باب اتباع كتاب الله عز وجل وسنة سيدنا محمد صلى الله عليه وسلم في كل شيء والخلفاء الراشدين بعده وترك الابتداع باب: ہر معاملے میں کتاب اللہ عزوجل، ہمارے سردار محمد ﷺ کی سنت اور آپ ﷺ کے بعد خلفائے راشدین کی پیروی اور بدعت ترک کرنے کا بیان۔
وَقَالَ مُسَدَّدٌ: ثَنَا حَمَّادٌ، عَنْ عَلِيِّ بْنِ زَيْدٍ، عَنِ الْحَسَنِ قَالَ: "بَيْنَمَا عِمْرَانُ بْنُ حُصَيْنٍ وَعِنْدَهُ أَصْحَابُهُ يُحَدِّثُهُمْ فَقَالَ رَجُلٌ: لَا تُحَدِّثْنَا إِلَّا بِالْقُرْآنِ - أَوْ لَا نُرِيدُ إِلَّا الْقُرْآنَ - فَقَالَ: أَرَأَيْتَ لَوْ وُكِلْتَ أَنْتَ وَأَصْحَابُكَ إِلَى الْقُرْآنِ؟ أَكُنْتَ تَجِدُ صَلَاةَ الظُّهْرِ أَرْبَعًا وَصَلَاةَ الْعَصْرِ أَرْبَعًا وَصَلَاةَ الْمَغْرِبِ ثَلَاثًا، تَقْرَأُ فِي الرَّكْعَتَيْنِ الْأُوَلَتَيْنِ، حَتَّى عَدَّ الصَّلَوَاتِ كُلَّهَا؟! أَرَأَيْتَ لَوْ وُكِلْتَ أَنْتَ وَأَصْحَابُكَ إِلَى الْقُرْآنِ، أَكُنْتَ تَجِدُ فِي كُلِّ مِائَتَيْنِ خَمْسَةٌ، وَمِنَ الْإِبِلِ كَذَا وَكَذَا، وَفِي الْبَقَرِ كَذَا وَكَذَا؟! أَرَأَيْتَ لَوْ وُكِلْتَ أَنْتَ وَأَصْحَابُكَ، أَكُنْتَ تَجِدُ الطَّوَافَ بِالْبَيْتِ وَبَيْنَ الصَّفَا وَالْمَرْوَةِ كَذَا وَكَذَا؟! " هَذَا حَدِيثٌ فِي إِسْنَادِهِ عَلِيُّ بْنُ زَيْدِ بْنِ جُدْعَانَ، وَهُوَ ضَعِيفٌ.الحسن رحمہ اللہ سے روایت ہے کہ سیدنا عمران بن حصین رضی اللہ عنہ اپنے ساتھیوں کی موجودگی میں انہیں احادیث بیان فرما رہے تھے کہ ایک شخص کہنے لگا: ”آپ ہمیں صرف قرآن سنائیں —یا اس نے کہا کہ— ہمیں صرف قرآن ہی چاہیے“، تو سیدنا عمران رضی اللہ عنہ نے فرمایا: ”تمہارا کیا خیال ہے، اگر تمہیں اور تمہارے ساتھیوں کو صرف قرآن کے سپرد کر دیا جائے، تو کیا تم اس میں ظہر کی چار رکعتیں، عصر کی چار رکعتیں اور مغرب کی تین رکعتیں (اور ان کی تفصیل کہ) پہلی دو رکعتوں میں قراءت کی جائے گی، پاؤ گے؟ یہاں تک کہ انہوں نے اسی طرح تمام نمازوں کا ذکر کیا۔ پھر فرمایا: تمہارا کیا خیال ہے، اگر تمہیں اور تمہارے ساتھیوں کو صرف قرآن کے حوالے کر دیا جائے، تو کیا تم قرآن میں یہ پاؤ گے کہ ہر دو سو درہم پر پانچ درہم زکاة ہے، اور اونٹوں میں اتنی اتنی اور گایوں میں اتنی اتنی زکاة ہے؟ تمہارا کیا خیال ہے، اگر تمہیں اور تمہارے ساتھیوں کو صرف قرآن کے سپرد کر دیا جائے، تو کیا تم بیت اللہ کا طواف اور صفا و مروہ کے درمیان چکروں کی اتنی اتنی تعداد قرآن میں پاؤ گے؟“
یہ ایک ایسی روایت ہے جس کی سند میں علی بن زید بن جدعان نامی راوی ہے اور وہ ضعیف ہے۔