إتحاف الخيرة المهرة بزوائد المسانيد العشرة
كتاب الجنائز— جنازوں کا بیان۔
باب في الصلاة على من عليه دين باب: مقروض کی نمازِ جنازہ کا بیان۔
وَعَنْ أَنَسِ بْنِ مَالِكٍ - رَضِيَ اللَّهُ عَنْهُ - قَالَ: "أُتِيَ النَّبِيُّ صَلَّى اللَّهُ عَلَيْهِ وَسَلَّمَ بِرَجُلٍ لِيُصَلِّيَ عَلَيْهِ فَقَالَ: عَلَيْهِ دَيْنٌ؟ قَالُوا: نَعَمْ. قَالَ: إِنْ ضَمِنْتُمْ دَيْنَهُ صَلَّيْتُ عَلَيْهِ".
رَوَاهُ أَبُو بَكْرِ بْنُ أَبِي شَيْبَةَ بِسَنَدٍ ضَعِيفٍ؛ لِضَعْفِ صَدَقَةَ بْنِ عِيسَى - أَوْ عِيسَى بْنِ صَدَقَةَ.
وَأَبُو يَعْلَى وَلَفْظُهُ: عَنْ عِيسَى بْنِ صَدَقَةَ بْنِ عَبَّادٍ الْيَشْكُرِيِّ قَالَ: "دَخَلْتُ مَعَ أَبِي عَلَى أَنَسِ بْنِ مَالِكٍ فَقُلْنَا لَهُ: حَدِّثْنَا حَدِيثًا يَنْفَعُنَا اللَّهُ بِهِ، فَسَمِعْتُهُ يَقُولُ: مَنِ اسْتَطَاعَ مِنْكُمْ أَنْ يَمُوتَ وَلَا دَيْنَ عَلَيْهِ فَلْيَفْعَلْ؛ فَإِنِّي رَأَيْتُ نَبِيَّ اللَّهِ صَلَّى اللَّهُ عَلَيْهِ وَسَلَّمَ وَأُتِيَ بِجِنَازَةِ رَجُلٍ وَعَلَيْهِ دَيْنٌ فَقَالَ: لَا أُصَلِّي عَلَيْهِ حَتَّى تَضْمَنُوا دَيْنَهُ؟ فَإِنَّ صَلَاتِي عَلَيْهِ تَنْفَعُهُ. فَلَمْ يَضْمَنُوا دَيْنَهُ وَلَمْ يُصَلِّ عَلَيْهِ، قَالَ: إِنَّهُ مُرْتَهَنٌ فِي قَبْرِهِ".
وَسَيَأْتِي فِي بَابِ الْقَرْضِ.سیدنا انس بن مالک رضی اللہ عنہ سے روایت ہے کہ ”نبی کریم ﷺ کے پاس ایک شخص (کا جنازہ) لایا گیا تاکہ آپ اس کی نمازِ جنازہ پڑھائیں، تو آپ ﷺ نے دریافت فرمایا: کیا اس پر کوئی قرض ہے؟ لوگوں نے عرض کیا: جی ہاں، آپ ﷺ نے فرمایا: اگر تم اس کے قرض کی ضمانت دے دو تو میں اس کی نمازِ جنازہ پڑھا دوں گا۔“ اس حدیث کو امام ابوبکر بن ابی شیبہ نے ضعیف سند کے ساتھ روایت کیا ہے کیونکہ اس کا راوی صدقہ بن عیسیٰ یا عیسیٰ بن صدقہ ضعیف ہے۔ نیز امام ابویعلیٰ کی روایت کے الفاظ یہ ہیں کہ عیسیٰ بن صدقہ کہتے ہیں کہ میں اپنے والد کے ساتھ سیدنا انس بن مالک رضی اللہ عنہ کی خدمت میں حاضر ہوا اور ہم نے ان سے عرض کیا کہ ہمیں کوئی ایسی حدیث سنائیں جس سے اللہ تعالیٰ ہمیں نفع عطا فرمائے، تو میں نے انہیں یہ فرماتے ہوئے سنا: ”تم میں سے جو شخص اس بات کی استطاعت رکھتا ہو کہ وہ اس حال میں فوت ہو کہ اس پر کسی کا قرض نہ ہو تو اسے ایسا ہی کرنا چاہیے؛ کیونکہ میں نے اللہ کے نبی ﷺ کو دیکھا کہ آپ ﷺ کے پاس ایک شخص کا جنازہ لایا گیا جس پر قرض تھا، تو آپ ﷺ نے فرمایا: میں اس وقت تک اس کی نمازِ جنازہ نہیں پڑھاؤں گا جب تک کہ تم اس کے قرض کی ضمانت نہ دے دو، کیونکہ میرا اس کی نمازِ جنازہ پڑھنا اسے نفع پہنچاتا ہے۔ چنانچہ جب لوگوں نے اس کے قرض کی ضمانت نہیں دی تو آپ ﷺ نے اس کی نمازِ جنازہ نہیں پڑھائی اور فرمایا کہ وہ اپنی قبر میں «مُرْتَهَنٌ فِي قَبْرِهِ» ”اپنے قرض کی وجہ سے رہن (یعنی محبوس) ہے“۔“ یہ حدیث آگے قرض کے باب میں آئے گی۔