إتحاف الخيرة المهرة بزوائد المسانيد العشرة
كتاب النوافل— نوافل کا بیان۔
باب القنوت في الوتر وما جاء في الوتر على الدابة باب: وتر میں قنوت کا بیان، اور سواری پر وتر پڑھنے کے بارے میں جو کچھ آیا ہے۔
وَعَنْ أَبِي الْحَوْرَاءِ قَالَ: قَالَ الْحُسَيْنُ بْنُ عَلِيٍّ - رَضِيَ اللَّهُ عَنْهُمَا - : "عَلَّمَنِي رَسُولُ اللَّهِ صَلَّى اللَّهُ عَلَيْهِ وَسَلَّمَ كَلِمَاتٍ أَقُولُهُنَّ فِي قُنُوتِ الْوِتْرِ: رَبِّ اهْدِنِي فِيمَنْ هَدَيْتَ، وَعَافِنِي فِيمَنْ عَافَيْتَ، وَتَوَلَّنِي فِيمَنْ تَوَلَّيْتَ، وَبَارِكْ لِي فِيمَا أَعْطَيْتَ، وَقِنِي شَرَّ مَا قَضَيْتَ، فَإِنَّكَ تَقْضِي وَلَا يُقْضَى عَلَيْكَ، وَإِنَّهُ لَا يَذِلُّ مَنْ وَالَيْتَ، تَبَارَكْتَ رَبَّنَا وَتَعَالَيْتَ".
رَوَاهُ أَبُو يَعْلَى وَأَحْمَدُ بْنُ حَنْبَلٍ بِسَنَدٍ رِجَالُهُ ثِقَاتٌ.
وَلَهُ شَاهِدٌ مِنْ حَدِيثِ أَخِيهِ الْحَسَنِ بْنِ عَلِيٍّ رَوَاهُ أَصْحَابُ السُّنَنِ الْأَرْبَعَةُ وَالْحَاكِمُ وَعَنْهُ الْبَيْهَقِيُّ. سیدنا حسین بن علی رضی اللہ عنہما سے روایت ہے کہ انہوں نے فرمایا: ”رسول اللہ ﷺ نے مجھے چند کلمات سکھائے ہیں کہ میں انہیں وتر کی قنوت میں پڑھا کروں: «رَبِّ اهْدِنِي فِيمَنْ هَدَيْتَ، وَعَافِنِي فِيمَنْ عَافَيْتَ، وَتَوَلَّنِي فِيمَنْ تَوَلَّيْتَ، وَبَارِكْ لِي فِيمَا أَعْطَيْتَ، وَقِنِي شَرَّ مَا قَضَيْتَ، فَإِنَّكَ تَقْضِي وَلَا يُقْضَى عَلَيْكَ، وَإِنَّهُ لَا يَذِلُّ مَنْ وَالَيْتَ، تَبَارَكْتَ رَبَّنَا وَتَعَالَيْتَ» ”اے میرے رب! مجھے ان لوگوں میں شامل فرما کر ہدایت دے جنہیں تو نے ہدایت عطا فرمائی، اور مجھے ان لوگوں میں شامل فرما کر عافیت دے جنہیں تو نے عافیت بخشی، اور ان لوگوں میں شامل فرما کر میری سرپرستی فرما جن کی تو نے سرپرستی فرمائی، اور مجھے جو کچھ تو نے عطا کیا ہے اس میں میرے لیے برکت پیدا فرما، اور مجھے اس شر سے محفوظ رکھ جو تو نے مقدر فرمایا ہے، کیونکہ تو ہی فیصلہ فرماتا ہے اور تیرے خلاف کوئی فیصلہ نہیں کیا جا سکتا، اور یقیناً وہ شخص ذلیل نہیں ہو سکتا جس کا تو دوست بن جائے، اے ہمارے رب! تو بابرکت اور نہایت بلند و برتر ہے۔““ اسے امام ابو یعلیٰ اور امام احمد بن حنبل نے ایسی سند کے ساتھ روایت کیا ہے جس کے راوی ثقہ ہیں، نیز اس حدیث کا ایک شاہد (تائیدی روایت) ان کے بھائی سیدنا حسن بن علی رضی اللہ عنہما کی حدیث سے بھی موجود ہے جسے سننِ اربعہ کے مؤلفین، امام حاکم اور ان کے واسطے سے امام بیہقی نے روایت کیا ہے۔