الفتح الربانی

فوائد: … توکل کا مطلب ہے جائز اسباب و وسائل استعمال کر کے اپنے مقصود تک پہنچنے کی کوشش کی جائے اور اصل بھروسہ اللہ تعالیٰ کی ذات پرکیا جائے، کیونکہ جب تک اللہ تعالیٰ کی مشیت شامل حال نہیں ہو گی، اسباب و وسائل بھی کچھ نہیں کر سکتے۔ بہرحال ظاہری اسباب کو اختیار کرنا بھی ضروری ہے، کیو نکہ اللہ تعالیٰ نے ایسا ہی کرنے کا حکم دیا ہے، جیسے پرندے گھونسلوں کے اندر نہیں بیٹھے رہتے، بلکہ تلاشِ رزق میں باہر نکلتے اور گھومتے پھرتے ہیں اور تب اللہ تعالیٰ ان کو رزق دیتا ہے۔
آجکل اکثرو بیشتر تاجروں اور دوکانداروں کو دیکھا گیاہے کہ وہ اپنی تجارت اور دوکانداری میں اتنے مصروف ہو جاتے ہیں کہ نماز سمیت اللہ تعالیٰ اور اس کے بندوں کے کئی حقوق کا خیال نہیں رکھتے، بلکہ یوں کہنا چاہیے کہ بعض لوگ
پیسے کی ہوس میں پڑ کر حلال و حرام کی تمیز ختم کر دیتے ہیں اور مختلف حربے استعمال کر کے حرام کو جائز کرنے کی کوشش بھی کرتے ہیں۔ دراصل ایسے لوگ انتہائی ضعیف الایمان ہو چکے ہیں، ان کو چاہیے کہ کاروبار کو نہیں، اللہ تعالیٰ کو روزی رساں سمجھیں اور اس کی فرمانبرداری کر کے اس پر توکل کرنے کا صحیح حق ادا کریں۔
شیخ الاسلام صابونی نے کیا خوب اشعار کہے ہیں: تَوَکَّلْ عَلَی الرَّحْمٰنِ فِیْ کُلِّ حَاجَۃٍ اَرَدْتَّ فَاِنَّ الــلّٰــہَ یَقْضِیْ وَ یَقْدِرُ
مَتٰی مَا یُرِدْ ذُوْ الْعَرْشِ اَمْرًا بِعَبْدِہِ یُصِبْہُ وَ مَــــــا لِلْـعَبْدِ مَا یَتَخَیَّرُ
وَ قَدْ یَھْلِکُ الْاِنْسَانُ مِنْ وَجْہٍ اَمِنَہٗوَیَنْجُوْ بِاِذْنِ اللّٰہِ مِنْ حَیْثُیَحْذَرُ
تو ہر اس ضرورت میں رحمن پر توکل کر جس کا تونے ارادہ کر لیا، کیونکہ اللہ تعالیٰ فیصلہ کرتا ہے اور مقدار مقرر کرتا ہے۔ جب عرش والا اپنے بندے کے لیے کسی امر کا ارادہ کر لیتا ہے تو وہ اس کو اس تک پہنچا دیتاہے اور بندے کے لیے وہ کچھ نہیں ہے، جس کا وہ ارادہ کرتاہے۔ بعض اوقات انسان اس صورت میںہلاک ہو جاتا ہے، جس کے بارے میں وہ امن میں ہوتا ہے اور اللہ کے حکم سے وہاں سے نجات پا جاتا ہے، جہاں سے ڈر رہا ہوتا ہے۔

فوائد: … اگلی روایت کے الفاظ معنی کے اعتبار سے زیادہ مناسب ہیں۔

فوائد: … جو ذات پوری مخلوق کی حاجات و ضروریات پوری کرنے پر قادر بھی ہے اور اپنی عطا کا دروازہ بھی بند نہیںکرتا، وہی اس صفت کے لائق ہے کہ حاجات و ضروریات میں اسی کو یاد کیا جائے۔ بادشاہوںکے پاس آنے والے ایک آدمی نے وہب بن منبہ نے کہا: وَیْحَکَ أَتَأْتِیْ مَنْ یُغْلِقُ عَنْکَ بَابَہٗوَیُوَارِیْ عَنْکَ غِنَاہُ وَتَدَعُ مَنْ یَفْتَحُ لَکَ بَابَہٗنِصْفَاللَّیْلِ وَ نِصْفَ النَّھَارِ وَیَظْھَرُ لَکَ غِنَاہُ … تیرے لیے ہلاکت ہو، کیا تو اس کے پاس آتا ہے، جو اپنا دروازہ تجھ سے بند کر لیتا ہے اور اپنے غِنٰی کو تجھ سے چھپاتا ہے اور تو اس کو چھوڑ دیتا ہے، جو نصف رات کو بھی تیرے لیے دروازہ کھولتا ہے اور نصف دن کو بھی اور تیرے لیے اپنے غِنٰی کا اظہار بھی کرتاہے؟
دراصل انسان اپنی مصلحتوں اور مضرتوں کو سمجھنے سے عاجز ہے، اس کا کام کوشش کرنا ہے، لہٰذا اس کو سمجھنا چاہیے کہ ضرورتوں کی تکمیل کا ذریعہ صرف یہ نہیں ہے کہ لوگوں سے سوال کرنا شروع کر دیا جائے، بلکہ سب سے پہلے اللہ تعالیٰ کو پورے یقین کے ساتھ پکارا جائے۔
شیخ البانی رحمتہ اللہ علیہ نے شیخ محمود سبکی (المنھل العذب: ۹/ ۲۸۳) کے کلام کا خلاصہ بیان کرتے ہوئے کہا: اَجَلٌ عَاجِلٌ (جلد موت) کے دو مفہوم ہیں: (۱) محتاج کا کوئی قریبی فوت ہو جائے گا، جس کا یہ وارث بنے گا۔ (۲) محتاج خود فوت ہو جائے گا اور سرے سے مال سے مستغنی ہو جائے گا۔ غِنًی عَاجِلٍ کا مفہوم یہ ہے کہ اللہ تعالیٰ اسے کسی نہ کسی طریقے سے خوشحال اور غنی کر دے گا۔ درج ذیل آیت میں اسی حدیث کا مصداق بیان کیا گیا ہے: {وَمَنْ یَّتَّقِ اللّٰہَ یَجْعَلْ لَّہٗمَخْرَجًا۔وَیَرْزُقُہٗ مِنْ حَیْثُ لَا یَحْتَسِبُ} (سورۂ طلاق: ۲، ۳) … اور جو اللہ تعالیٰ سے ڈرے گا، اللہ تعالیٰ اس کے لیے (ابتلا و آزمائش سے) نکلنے کی راہ پیدا کر دے گا اور اسے وہاں سے رزق دے گا، جہاں سے اسے کوئی وہم و گمان نہیں ہو گا۔ (صحیحہ: ۲۷۸۷)
اس فرمان نبوی صلی اللہ علیہ وآلہ وسلم میں یہ ترغیب ہے کہ حاجت و ضرورت کے وقت اللہ تعالیٰ کی طرف رجوع کیا جائے اور ہر ممکنہ صورت میںلوگوں کے سامنے دست ِ سوال پھیلانے سے بچا جائے، اسی میں زندگی کا لطف اور مزہ ہے۔
آج کل لوگوں نے اپنا معیارِ زندگی اپنی آمدن سے بلند کر دیا ہے، اب اس کو برقرار رکھنے کے لیے وہ کسی قسم کا حربہ استعمال کرنے سے دریغ نہیں کرتے۔ ہمیں چاہیے کہ اسبابِ زندگی کے مطابق اپنے قدم پھیلائیں اور اللہ تعالیٰ کا شکریہ ادا کرتے رہیں۔ اگر صبر و قناعت ہو تو سالن کی بجائے چٹنی اور اچار اور پراٹھوں کی بجائے سوکھی روٹی کھا کر، دس بارہ کی بجائے تین چار سوٹوں پر گزارا کر کے اور مہمانوںکو مہنگے اور پیاس نہ بجھانے والے مشروبات کی بجائے عام مشروبات پلا کر بھی اللہ تعالیٰ کا شکریہ ادا کیا جا سکتا ہے اور جیب کے مطابق زندگی کا سرکل بھی چلایا جا سکتا ہے۔

فوائد: … دم کروانا اور داغ لگوانا جائز ہے، لیکن ان لوگوں کو اللہ تعالیٰ پر اتنا زیادہ توکل ہوتا ہے کہ وہ اپنے معاملے کو اللہ تعالیٰ کے سپرد کر کے جائز اسباب بھی استعمال نہیں کرتے۔

فوائد: … اللہ تعالیٰ پر توکل کر کے صدقہ کرنا اور یہ امید رکھنا کہ وہ اس کا بہترین صلہ عطا فرمائے گا، اگر مسلمان عملی طور پر یہ نظریہ قائم کر لے تو اللہ تعالیٰ اس کے ظن کے مطابق اس کو عطا کرتے رہتے ہیں۔
اللہ تعالیٰ پر توکل کے بارے میں سب سے پر اثر آیتیہ ہے: {وَمَنْ یَّتَّقِ اللّٰہَ یَجْعَلْ لَّہٗمَخْرَجًا۔وَّیَرْزُقْہُ مِنْ حَیْثُ لَا یَحْتَسِبُ وَمَنْ یَّتَوَکَّلْ عَلَی اللّٰہِ فَھُوَ حَسْبُہٗ} … اورجواللہسےڈرےگاوہاسکےلیے نکلنے کا کوئی راستہ بنا دے گا۔اور اسے رزق دے گا جہاں سے وہ گمان نہیں کرتا اور جو کوئی اللہ پر بھروسا کرے تو وہ اسے کافی ہے۔ (سورۂ طلاق:۲، ۳)