الفتح الربانی

فوائد: … نبی کریم صلی اللہ علیہ وآلہ وسلم نے ممکنہ صورت میں فرضی نماز مساجد میں ادا کرنے کا حکم دیا گیا ہے، بصورت دیگر چند مخصوص مقامات کے علاوہ ساری زمین کو جائے نماز قرار دیا ہے، جبکہ سابقہ امتوں کے لیے ضروری تھا کہ وہ اپنے عبادت خانوں میں ہی پہنچ کر نماز ادا کریں۔ حافظ ابن حجر رحمتہ اللہ علیہ نے ((اُعْطِیْتُ خَمْسًا لَمْ یُعْطَھُنَّ اَحَدٌ قَبْلِیْ: … وَجُعِلَتْ لِیَ الْاَرْضُ مَسْجِدًا وَ طَھُوْرًا …)) پر بحث کرتے ہوئے کہا: زیادہ راجح قول خطابی کا ہے کہ آپ صلی اللہ علیہ وآلہ وسلم سے قبل لوگوں کے لیے صرف مخصوص عبادت خانوں میں نماز ادا کرنا جائز تھا، جیسے کلیسا اور گرجا گھر وغیرہ، اس کی تائید عمرو بن شعیب والی روایت سے ہوتی ہے، جس مین یہ الفاظ بھی ہیں: ((وَکَانَ مَنْ قَبْلِیْ اِنَّمَا کَانُوْا یُصَلُّوْنَ فِیْ کَنَائِسِھِمْ)) (اور مجھ سے پہلے والے لوگ اپنے اپنے گرجا گھروں میں نماز پڑھتے تھے) اور بزار کی روایت کردہ سیّدنا عبد اللہ بن عباس رضی اللہ عنہ کی حدیث کے الفاظ یہ ہیں: ((وَلَمْ یَکُنْ مِنَ الْاَنْبِیَائِ اَحَدٌ یُصَلِّیْ حَتّٰییَبْلُغَ مِحْرَابَہٗ۔)) (اور (مجھسےقبل) کوئی نبی ایسا نہیں تھا جو اپنے محراب میں پہنچنے سے پہلے نماز پڑھتا ہو)۔ (فتح الباری: ۱/ ۵۷۶)
حمام کے معانی گرم پانی کے ہیں، لیکن بعد میں اس لفظ کو جائے غسل کے لیے استعمال کیا جانے لگا، اگرچہ غسل گرم پانی سے کیا جائے یا ٹھنڈے پانی سے۔ اس ضمن میں درج ذیل روایت ذہن نشین رہنی چاہیے: سیّدنا عبد اللہ بن عمر رضی اللہ عنہ سے مروی ہے کہ رسول اللہ صلی اللہ علیہ وآلہ وسلم نے ان سات مقامات میں نماز پڑھنے سے منع کیا: کوڑا خانہ، ذبح خانہ، مقبرہ، گزر گاہ، حمام، اونٹ کا باڑہ، بیت اللہ کی چھت۔ (ترمذی، ابن ماجہ) لیکنیہ روایت ضعیف ہے۔ اونٹوں کے باڑے میں نماز پڑھنے سے منع کیا گیا ہے، اس کی تفصیل اور وجہ آگے آ رہی ہے۔ اَبْوَابُ الْمَسَاجِدِ میں بَابُ النَّہْیِ عَنْ أِتِّخَاذِ قُبُوْرِ الْأَنْبِیَائِ وَالصَّالِحِیْنَ مَسَاجِدَ لِلتَّبَرُّکِ وَالتَّعْظِیْم، میں قبرکو جائے نماز بنانے سے متعلقہ بعض احادیث گزر چکی ہیں۔

فوائد: … ان روایات کا خلاصہ یہ ہے کہ نہ قبر پر بیٹھا جائے، نہ اس پر یا اس کی طرف منہ کر کے نماز پڑھی جائے۔

فوائد: … اونٹوں کو شیطانوں سے پیدا کیا گیا ہے اس کا مفہوم یہ ہے کہ ان کے مزاج میں نفرت اور سرکشی پائی جاتی ہے، جس کی وجہ سے نماز خراب ہو سکتی ہے یا نمازی کا نقصان ہو سکتا ہے، عرب لوگ ہر سرکش کو شیطان کہہ دیتے ہیں۔

فوائد: … اِن احادیث میں بکریوںکے باڑے میں نماز پڑھنے اور اونٹوں کے باڑے میں نہ پڑھنے کا حکم دیا گیا ہے اور اس فرق کی وجہ بھی بیان کر دی گئی ہے۔ یہ بات درست نہیں کہ اونٹوں کے باڑوں میں ان کے پیشاب اور لید کے نجس ہونے کی وجہ سے نماز پڑھنے سے منع کیا گیا ہے، اگر یہ وجہ درست ہوتی تو بکریوں کے باڑوں میں بھی نماز پڑھنے سے روک دیا جاتا، کیونکہ دونوں کے پیشاب وغیرہ کا ایک حکم ہونا چاہیے۔ آپ صلی اللہ علیہ وآلہ وسلم نے خود اس علت کی وضاحت فرما دی ہے کہ اونٹوں کے مزاج میں شیطنت اور شرارت پائی جاتی ہے، اس لیے نمازی کو یہ حکم دیا گیا، تاکہ وہ متوقع نقصان سے بچ سکے۔ یہ رحمت کے زیادہ قریب ہیں کا مفہوم یہ ہے کہ اونٹوں کے برعکس اس جانور کے مزاج میں کمزوری اور نرمی پائی جاتی ہے، نمازی کو اس سے کوئی تشویش نہیں ہوتی۔ مزید درج ذیل احادیث ِ مبارکہ پر غور کریں: ابوہریرہ رضی اللہ عنہ بیان کرتے ہیں کہ نبی کریم صلی اللہ علیہ وآلہ وسلم نے فرمایا: ((صَلُّوْا فِیْ مُرَاحِ الْغَنَمِ، وَامْسَحُوْا رُغَامَھَا، فَإِنَّھَا مِنْ دَوَابِّ الْجَنَّۃِ۔)) یعنی: بکریوں کے باڑوں میں نماز پڑھا کرو اور ان کی رینٹ صاف کیا کرو، کیونکہیہ جنت کے جانوروں میں سے ہیں۔ (بیہقی: ۲/ ۴۴۹، بزار: ۴۹، صحیحہ: ۱۱۲۸)
سیّدنا برا بن عازب رضی اللہ عنہ سے روایت ہے کہ آپ صلی اللہ علیہ وآلہ وسلم سے بکریوں کے باڑے میں نماز پڑھنے کے بارے میں سوال کیا گیا۔ آپ صلی اللہ علیہ وآلہ وسلم نے فرمایا: ((صَلُّوْا فِیْھَا فَاِنَّھَا بَرَکَۃٌ۔)) یعنی: ان میں نماز پڑھ لیا کرو، کیونکہ ان میں برکت ہے۔ (ابوداود: ۱۸۴، ترمذی: ۸۱، ابن ماجہ: ۴۹۴)
علامہ عظیم آبادی رحمتہ اللہ علیہ لکھتے ہیں: اس کا مطلب یہ ہے کہ بکریوں میں بغاوت اور سرکشی کا مادہ نہیں پایا جاتا، بلکہ ان کے مزاج میں ضعف اور سکینت ہوتی ہے، وہ نمازی کو تکلیف دیتی ہیں نہ اس کی نماز منقطع کرتی ہیں، بلکہ یہ برکت والی ہوتی ہیں، اس لیے ان کے باڑوں میں نماز پڑھنی چاہیے۔ (عون المعبود: ۱/۱۲۰)