کتب حدیث ›
فضائل الصحابة › ابواب
› باب: (بیعتِ عقبہ میں سیدنا عباس رضی اللہ عنہ کی موجودگی کا بیان)۔
حَدَّثَنَا عَبْدُ اللَّهِ ، قَالَ: حَدَّثَنِي أَبِي ، قَثَنَا يَحْيَى بْنُ زَكَرِيَّا بْنِ أَبِي زَائِدَةَ ، قَالَ: حَدَّثَنِي أَبِي عَنْ عَامِرٍ ، قَالَ: انْطَلَقَ النَّبِيُّ صَلَّى اللهُ عَلَيْهِ وَسَلَّمَ مَعَهُ الْعَبَّاسُ عَمُّهُ إِلَى السَّبْعِينَ مِنَ الْأَنْصَارِ عِنْدَ الْعَقَبَةِ تَحْتَ الشَّجَرَةِ، فَقَالَ: "لَيَتَكَلَّمْ مُتَكَلِّمُكُمْ وَلَا يُطِلِ الْخُطْبَةَ فَإِنَّ عَلَيْكُمْ مِنَ الْمُشْرِكِينَ عَيْنًا وَإِنْ يَعْلَمُوا بِكُمْ يَفْضَحُوكُمْ" ، فَقَالَ قَائِلُهُمْ، وَهُوَ أَبُو إِمَامَةَ سَلْ يَا مُحَمَّدُ لِرَبِّكَ مَا شِئْتَ، سَلْ لِنَفْسِكَ وَلِأَصْحَابِكَ مَا شِئْتَ، ثُمَّ أَخْبِرْنَا مَا لَنَا مِنَ الثَّوَابِ عَلَى اللَّهِ عَزَّ وَجَلَّ وَعَلَيْكُمْ إِذَا فَعَلْنَا ذَاكَ؟ قَالَ: "أَسْأَلُكُمْ لِرَبِّي أَنْ تَعْبُدُوهُ، وَلَا تُشْرِكُوا بِهِ شَيْئًا، وَأَسْأَلُكُمْ لِنَفْسِي وَلِأَصْحَابِي أَنْ تُؤْوُونَا وَتَنْصُرُونَا وَتَمْنَعُونَا مِمَّا مَنَعْتُمْ مِنْهُ أَنْفُسَكُمْ" قَالُوا: فَمَا لَنَا إِذَا فَعَلْنَا ذَلِكَ؟ قَالَ: "لَكُمُ الْجَنَّةُ" قَالُوا: فَلَكَ ذَاكَ.
ترجمہ
عامر رحمہ اللہ سے روایت ہے کہ نبی کریم ﷺ اپنے چچا سیدنا عباس رضی اللہ عنہ کے ہمراہ مقامِ عقبہ میں درخت کے نیچے موجود ستر انصاریوں کے پاس تشریف لے گئے، تو آپ ﷺ نے فرمایا: ”تمہارا کوئی نمائندہ گفتگو کرے اور خطبہ طویل نہ کرے، کیونکہ تم پر مشرکین کی طرف سے جاسوس مقرر ہیں، اور اگر انہیں تمہارا پتہ چل گیا تو وہ تمہیں رسوا (اور جانی نقصان سے دوچار) کر دیں گے۔“ ان کے بات کرنے والے، اور وہ سیدنا ابوامامہ رضی اللہ عنہ تھے، نے عرض کی: ”اے محمد (ﷺ)! آپ اپنے رب کے لیے جو چاہیں ہم سے مانگ لیں، اور اپنی ذات اور اپنے صحابہ کے لیے جو چاہیں مانگ لیں، پھر ہمیں بتائیے کہ اگر ہم یہ سب کریں تو اللہ عزوجل کے ہاں اور آپ کی طرف سے ہمارا کیا اجر ہے؟“ آپ ﷺ نے فرمایا: ”میں اپنے رب کے لیے تم سے یہ مطالبہ کرتا ہوں کہ تم اسی کی عبادت کرو اور اس کے ساتھ کسی کو شریک نہ ٹھہراؤ، اور اپنے لیے اور اپنے صحابہ کے لیے یہ مانگتا ہوں کہ تم ہمیں پناہ دو، ہماری مدد کرو اور جن چیزوں سے اپنی جانوں کا دفاع کرتے ہو ان سے ہمارا بھی دفاع کرو۔“ انہوں نے عرض کی: ”اگر ہم یہ کر لیں تو ہمیں کیا ملے گا؟“ آپ ﷺ نے فرمایا: ”تمہارے لیے جنت ہے۔“ انہوں نے عرض کی: ”تو آپ کے لیے یہی (منظور) ہے۔“
حَدَّثَنَا عَبْدُ اللَّهِ ، قَالَ: حَدَّثَنِي أَبِي ، قَثَنَا يَحْيَى بْنُ زَكَرِيَّا ، قَثَنَا مُجَالِدٌ ، عَنْ عَامِرٍ ، عَنْ أَبِي مَسْعُودٍ الْأَنْصَارِيِّ ، بِنَحْوِ هَذَا قَالَ: وَكَانَ أَبُو مَسْعُودٍ أَصْغَرَهُمْ سِنًّا،.
ترجمہ
عامر رحمہ اللہ، سیدنا ابومسعود انصاری رضی اللہ عنہ سے اسی کی مانند روایت کرتے ہیں؛ وہ فرماتے ہیں کہ سیدنا ابومسعود رضی اللہ عنہ ان سب میں عمر کے اعتبار سے سب سے چھوٹے تھے۔