فضائل الصحابة
فضائل جرير بن عبد الله رضي الله عنه— سیدنا جریر بن عبداللہ رضی اللہ عنہ کے فضائل کا بیان۔
(بَابُ هَدْمِ جَرِيرٍ ذَا الْخَلَصَةِ) باب: (سیدنا جریر رضی اللہ عنہ کے ذوالخلصہ کو منہدم کرنے کا بیان)۔
حَدَّثَنَا عَبْدُ اللَّهِ ، قَالَ: حَدَّثَنِي أَبِي، قَثَنَا يَحْيَى ، عَنْ إِسْمَاعِيلَ ، قَالَ: حَدَّثَنِي قَيْسٌ ، قَالَ لِي جَرِيرٌ: قَالَ لِي رَسُولُ اللَّهِ صَلَّى اللهُ عَلَيْهِ وَسَلَّمَ: "أَلَا تُرِيحُنِي مِنْ ذِي الْخَلَصَةِ" وَكَانَ بَيْتًا فِي خَثْعَمٍ يُسَمَّى كَعْبَةَ الْيَمَانِيَةَ، قَالَ: فَانْطَلَقْتُ فِي خَمْسِينَ وَمِائَةِ فَارِسٍ مِنْ أَحْمَسَ قَالَ: وَكَانُوا أَصْحَابَ خَيْلٍ، فَأَخْبَرْتُ رَسُولَ اللَّهِ صَلَّى اللهُ عَلَيْهِ وَسَلَّمَ إِنِّي لَا أَثْبُتُ عَلَى الْخَيْلِ، فَضَرَبَ فِي صَدْرِي، حَتَّى رَأَيْتُ أَثَرَ أَصَابِعِهِ فِي صَدْرِي قَالَ: "اللَّهُمَّ ثَبِّتْهُ، وَاجْعَلْهُ هَادِيًا مَهْدِيًّا"، فَانْطَلَقَ إِلَيْهَا فَكَسَرَهَا وَحَرَّقَهَا، فَأَرْسَلَ إِلَى النَّبِيِّ صَلَّى اللهُ عَلَيْهِ وَسَلَّمَ يُبَشِّرُهُ، قَالَ: يَعْلَى فِي هَذَا الْحَدِيثِ: ثُمَّ بَعَثَ حُصَيْنَ بْنَ رَبِيعَةَ إِلَى رَسُولِ اللَّهِ صَلَّى اللهُ عَلَيْهِ وَسَلَّمَ يُبَشِّرُهُ، فَقَالَ رَسُولُ جَرِيرٍ لِرَسُولِ اللَّهِ صَلَّى اللهُ عَلَيْهِ وَسَلَّمَ: وَالَّذِي بَعَثَكَ بِالْحَقِّ، مَا جِئْتُكَ حَتَّى تَرَكْتُهَا كَأَنَّهَا جَمَلٌ أَجْرَبُ، فَبَارَكَ عَلَى خَيْلِ أَحْمَسَ وَرِجَالِهَا خَمْسَ مَرَّاتٍ.قیس رحمہ اللہ بیان کرتے ہیں کہ مجھ سے سیدنا جریر رضی اللہ عنہ نے فرمایا: رسول اللہ ﷺ نے مجھ سے فرمایا: ”کیا تم مجھے ذوالخلصہ سے راحت نہیں پہنچاؤ گے؟“ اور وہ قبیلہ خثعم میں ایک بت خانہ تھا جسے کعبہ یمانیہ کہا جاتا تھا۔ انہوں نے فرمایا کہ پھر میں قبیلہ احمس کے ایک سو پچاس شہسواروں کو لے کر روانہ ہوا۔ وہ لوگ ماہر شہسوار تھے، جبکہ میں نے رسول اللہ ﷺ کو بتایا کہ میں گھوڑے کی پشت پر جم کر نہیں بیٹھ سکتا، تو آپ ﷺ نے میرے سینے پر اپنا دستِ مبارک مارا یہاں تک کہ میں نے اپنے سینے پر آپ ﷺ کی انگلیوں کے نشانات دیکھے۔ آپ ﷺ نے دعا فرمائی: «اللَّهُمَّ ثَبِّتْهُ، وَاجْعَلْهُ هَادِيًا مَهْدِيًّا» ”اے اللہ! اسے ثابت قدم رکھ، اور اسے ہدایت دینے والا اور ہدایت یافتہ بنا دے۔“ پھر وہ وہاں گئے، اسے مسمار کیا اور جلا ڈالا، پھر نبی ﷺ کی طرف خوشخبری دینے کے لیے قاصد روانہ کیا۔ یعلی رحمہ اللہ نے اس حدیث میں بیان کیا ہے کہ پھر انہوں نے سیدنا حصین بن ربیعہ رضی اللہ عنہ کو رسول اللہ ﷺ کی طرف خوشخبری دے کر بھیجا۔ سیدنا جریر رضی اللہ عنہ کے قاصد نے رسول اللہ ﷺ کی خدمت میں عرض کیا: ”اس ذات کی قسم جس نے آپ کو حق کے ساتھ مبعوث فرمایا! میں آپ کے پاس اس وقت تک حاضر نہیں ہوا جب تک میں نے اسے (جلا کر) خارش زدہ اونٹ کی مانند (سیاہ) نہیں کر دیا۔“ پس آپ ﷺ نے قبیلہ احمس کے گھوڑوں اور ان کے مردوں کے لیے پانچ مرتبہ برکت کی دعا فرمائی۔