سنن الدارقطني

سیدنا عبادہ بن صامت رضی اللہ عنہ اور سیدنا شداد بن اوس رضی اللہ عنہ یہ دونوں حضرات یہ بیان کرتے ہیں: ”شفق دو طرح کی ہوتی ہے، سرخی والی، اور سفیدی والی، جب سرخی والی شفق ڈوب جاتی ہے تو اس وقت نماز کا وقت ہو جاتا ہے اور اسی طرح صبح صادق دو طرح کی ہوتی ہے، ایک لمبائی والی اور ایک چوڑائی والی، جب چوڑائی والی ختم ہو جاتی ہے تو اس وقت نماز کا وقت شروع ہو جاتا ہے۔“

سیدنا ابوہریرہ رضی اللہ عنہ فرماتے ہیں: ”شفق، سرخی کو کہتے ہیں۔“

سیدنا عبداللہ بن عمر رضی اللہ عنہما بیان کرتے ہیں: نبی کریم صلی اللہ علیہ وسلم نے یہ بات ارشاد فرمائی ہے: ”شفق سے مراد سرخی ہے، جب شفق غروب ہو جائے تو نماز فرض ہو جاتی ہے (یعنی اس کا وقت شروع ہو جاتا ہے)۔“

سیدنا عبداللہ بن عمر رضی اللہ عنہما بیان کرتے ہیں: ”شفق سے مراد سرخی ہے۔“