صحيح البخاري

5699. حضرت عبداللہ بن عباس ؓ سے روایت ہے کہ رسول اللہ ﷺ نے اپنے سر میں سینگی لگوائی۔[صحيح بخاري، حديث نمبر:5699]

حدیث حاشیہ:
(1)
لحی جمل، جُحفہ کی گھاٹی اور مشہور جگہ ہے۔
یہ مقام سقیا سے سات میل کی مسافت پر ہے۔
آپ صلی اللہ علیہ وسلم کے سر میں درد تھا اس لیے آپ نے سینگی لگوائی۔
(2)
بہرحال سینگی لگوانا ایک مفید طریقۂ علاج ہے مگر اس شخص کے لیے جسے کوئی ماہر فن طبیب مشورہ دے، غلط جگہ یا ناتجربہ کار سے سینگی لگوانے میں نقصان کا اندیشہ ہے جیسا کہ حضرت معمر کہتے ہیں کہ میں نے سینگی لگوائی تو میرا حافظہ جاتا رہا یہاں تک کہ مجھے نماز میں سورت فاتحہ پڑھتے وقت بھی لقمہ دیا جاتا تھا۔
انہوں نے اپنی کھوپڑی پر غلط جگہ میں سینگی لگوائی تھی۔
(سنن أبي داود، الطب، حدیث، 3860)