صحيح البخاري

4171. حضرت ثابت بن ضحاک ؓ سے روایت ہے، انہوں نے بتایا کہ ہم نے درخت کے نیچے نبی ﷺ سے بیعت کی تھی۔[صحيح بخاري، حديث نمبر:4171]

حدیث حاشیہ:
1۔
حضرت ثابت بن ضحاک ؓ تین ہجری میں پیدا ہوئے، شام کے علاقے میں سکونت اختیار کی، پھر بصرہ منتقل ہوگئے اور پنتالیس سال کی عمر میں وہیں وفات پائی۔
(عمدة القاري: 194/12)
2۔
امام بخاری ؒ نے بقدر ضرورت اس حدیث کو بیان کیا ہے۔
امام مسلم ؒ نے پوری حدیث بیان کی جس کے الفاظ یہ ہیں: ’’جو مذہب اسلام کے علاوہ کسی دوسرے مذہب کی جھوٹی قسم اٹھاتا ہے و ہ اپنے کہنے کے مطابق ہے۔
جس نے خود کو قتل کیا اسے قیامت تک اسی طرح سزا دی جائے گی اور انسان جس چیز کا مالک نہیں،اس کی نذرماننا درست نہیں۔
‘‘ (صحیح مسلم، الإیمان، حدیث: 302(110)
اس حدیث کو امام بخاری ؒ نے بھی بیان کیا ہے لیکن اس درخت کےنیچے بیعت کرنے کے الفاظ نہیں ہیں، نیز اس میں کسی مومن پرناجائزتہمت لگانے کی وعید ہے۔
(صحیح البخاري، الإیمان والنذور، حدیث: 6652)