10۔ ایسے لوگوں کے دلوں میں (نفاق کی) بیماری ہے جسے اللہ تعالیٰ نے اور زیادہ [14] بڑھا دیا۔ اور جو وہ جھوٹ بک [15] رہے ہیں اس کے عوض ان کے لیے دکھ دینے والا عذاب ہے
[14] مرض سے مراد نفاق، دین اسلام سے نفرت اور مسلمانوں سے حسد اور عناد ہے۔ پھر جوں جوں اسلام اور اہل اسلام کی شوکت بڑھتی گئی، ان کی بیماری میں بھی اضافہ ہوتا گیا۔ [15] یہ جھوٹ ان کا وہی دعویٰ تھا جو وہ کہتے تھے کہ: ﴿ اٰمَنَّاباللّٰهِوَبِالْيَوْمِالْاٰخِرِ﴾ جب کہ ان کے اعمال اور ان کی حرکات و سکنات اس دعویٰ کی مخالف سمت میں تھیں۔ اسی لیے انہیں دردناک عذاب ہو گا جیسا کہ اللہ تعالیٰ نے دوسرے مقام پر فرمایا: ﴿ اِنَّالْمُنٰفِقِيْنَفِيالدَّرْكِالْاَسْفَلِمِنَالنَّارِ ﴾[145: 4] بلا شبہ منافق دوزخ کے سب سے نچلے طبقے میں ہوں گے۔
اہم:
ویب سائٹ یا موبائل ایپ پر کوئی خرابی نظر آئے تو براہِ کرم فوری طور پر
واٹس اپ
پر اطلاع دیں یا
ای میل کریں۔
