ترجمہ و تفسیر القرآن الکریم (عبدالسلام بھٹوی) — سورۃ الأعراف (7) — آیت 47

(آیت 47) ➊ {وَ اِذَا صُرِفَتْ اَبْصَارُهُمْ: ” صُرِفَتْ “} مجہول کا صیغہ ہے جس میں اس طرف اشارہ ہے کہ اعراف والے جنتیوں کی طرف تو شوق اور رغبت سے دیکھیں گے اور انھیں سلام کریں گے، مگر جہنمیوں کی طرف خود نگاہ اٹھانا بھی پسند نہیں کریں گے، بلکہ ان کی نگاہیں ان کی طرف پھیری جائیں گی تاکہ انھیں عافیت کی قدر معلوم ہو۔ (المنار)
➋ { مَعَ الْقَوْمِ الظّٰلِمِيْنَ:} یعنی جہاں وہ اب ہیں یا آئندہ ہوں گے۔