(آیت 7،6){ اِذْهُمْعَلَيْهَاقُعُوْدٌ …:} یعنی کنارے پر بیٹھ کر ان کے جلنے کا تماشا دیکھ رہے تھے، انھیں جلتے ہوئے دیکھ کر بھی ان کے دلوں میں کوئی نرمی پیدا نہیں ہوئی۔ اس طرح کے واقعات کافر قوتوں کے زیر سایہ آج بھی ہو رہے ہیں، مثلاً انڈیا، برما اور افریقہ وغیرہ میں مسلمانوں کو زندہ جلانے کی خبریں تواتر سے آرہی ہیں، ان کا انجام بھی اصحاب الاخدود کی طرح ہوگا۔ (ان شاء اللہ) مگر ان مظلوم مسلمانوں کو کفار کے ظلم و ستم سے بچانا دنیا کے تمام مسلمانوں پر فرض ہے، جس کی ادائیگی میں کوتاہی اور جہاد ترک کرنے ہی کی وجہ سے کفار کو یہ جرأت ہو رہی ہے۔اللہ تعالیٰ کا فرمان ہے: «وَمَالَكُمْلَاتُقَاتِلُوْنَفِيْسَبِيْلِاللّٰهِوَالْمُسْتَضْعَفِيْنَمِنَالرِّجَالِوَالنِّسَآءِوَالْوِلْدَانِالَّذِيْنَيَقُوْلُوْنَرَبَّنَاۤاَخْرِجْنَامِنْهٰذِهِالْقَرْيَةِالظَّالِمِاَهْلُهَاوَاجْعَلْلَّنَامِنْلَّدُنْكَوَلِيًّاوَّاجْعَلْلَّنَامِنْلَّدُنْكَنَصِيْرًا» [النساء: ۷۵]”اور تمھیں کیا ہے کہ تم اللہ کے راستے میں اور ان بے بس مردوں اور عورتوں اور بچوں کی خاطر نہیں لڑتے جو کہتے ہیں کہ اے ہمارے رب! ہمیں اس بستی سے نکال لے جس کے رہنے والے ظالم ہیں اور ہمارے لیے اپنے پاس سے کوئی حمایتی بنا دے اور ہمارے لیے اپنے پاس سے کوئی مدد گار بنا۔“
تفسیر احسن البیان از حافظ صلاح الدین یوسف
6۔ 1 کافر بادشاہ یا اسکے کارندے، آگ کے کنارے بیٹھے اہل ایمان کے جلنے کا تماشہ دیکھ رہے تھے، جیسا کہ اگلی آیت میں ہے۔
تيسير القرآن از مولانا عبدالرحمن کیلانی
6۔ جبکہ وہ اس کے کنارے پر بیٹھے تھے
تفسیر ابن کثیر مع تخریج و تحکیم
اس آیت کی تفسیر اگلی آیات کیساتھ ملاحظہ کریں۔
اہم:
ویب سائٹ یا موبائل ایپ پر کوئی خرابی نظر آئے تو براہِ کرم فوری طور پر
واٹس اپ
پر اطلاع دیں یا
ای میل کریں۔
