(آیت 28){ لَاتُبْقِيْوَلَاتَذَرُ: ”لَاتُبْقِيْ“”أَبْقٰييُبْقِيْ“} (افعال) باقی رکھنا۔ {”أَبْقٰيعَلَيْهِ“} رحم کرنا۔ یعنی وہ ان کی کوئی چیز جلانے سے باقی نہیں رکھے گی، اس پر بھی انھیں چھوڑے گی نہیں کہ ان کا قصہ تمام ہو جائے، بلکہ انھیں دوبارہ پہلے کی طرح بنا دیا جائے گا اور جہنم پھر انھیں جلائے گی، جیساکہ فرمایا: «كُلَّمَانَضِجَتْجُلُوْدُهُمْبَدَّلْنٰهُمْجُلُوْدًاغَيْرَهَالِيَذُوْقُواالْعَذَابَ» [النساء: ۵۶]”جب بھی ان کی کھالیں پک جائیں گی ہم انھیں ان کے علاوہ اور کھالیں بدل دیں گے، تاکہ وہ عذاب چکھیں۔“ اور فرمایا: «ثُمَّلَايَمُوْتُفِيْهَاوَلَايَحْيٰى»[الأعلٰی: ۱۳]”پھر وہ نہ اس میں مرے گا اور نہ زندہ رہے گا۔“ اگر {”لَاتُبْقِيْ“} کے بعد {”عَلَيْهِمْ“} مقدر مانیں تو معنی ہو گا ”نہ وہ ان پر رحم کرے گی اور نہ انھیں چھوڑے گی۔“ یہ معنی بھی درست ہے۔
تفسیر احسن البیان از حافظ صلاح الدین یوسف
28۔ 1 ان کے جسموں پر گوشت چھوڑے گی نہ ہڈی، یا مطلب ہے جہنمیوں کو زندہ چھوڑے گی نہ مردہ،
تيسير القرآن از مولانا عبدالرحمن کیلانی
28۔ وہ نہ باقی رکھے گی [12] نہ چھوڑے گی
[12] یعنی جہنم کی آگ دوزخیوں کو مسلسل جلاتی بھی رہے گی لیکن اس عذاب سے کسی کی موت واقع نہ ہو گی۔ آگ سے ان کی کھالیں جل جائیں گی بلکہ گل جائیں گی تو انہیں دوسری نئی کھالیں مہیا کر دی جائیں گی تاکہ وہ مسلسل اور دائمی عذاب میں مبتلا رہ سکیں۔
تفسیر ابن کثیر مع تخریج و تحکیم
اس آیت کی تفسیر اگلی آیات کیساتھ ملاحظہ کریں۔
اہم:
ویب سائٹ یا موبائل ایپ پر کوئی خرابی نظر آئے تو براہِ کرم فوری طور پر
واٹس اپ
پر اطلاع دیں یا
ای میل کریں۔
