(آیت 28) ➊ {فَاَوْجَسَمِنْهُمْخِيْفَةً …:} اس کی تفصیل کے لیے دیکھیے سورۂ ہود (۷۰) کی تفسیر۔ ➋ { وَبَشَّرُوْهُبِغُلٰمٍعَلِيْمٍ:} سورۂ ہود میں اس لڑکے کا نام اسحاق آیا ہے، وہ ”غلام عليم“ تھے اور اسماعیل علیہ السلام ”غلام حلیم۔“ ان کا ذکر سورۂ صافات (۱۰۱) میں ہے۔ اسحاق علیہ السلام کو {”بِغُلٰمٍعَلِيْمٍ“} فرمایا، حالانکہ {”عَلِيْمٍ“} تو انھوں نے جوانی میں بننا تھا۔ اس سے ظاہر ہے کہ جو بچے حفظ شروع کر دیں انھیں آئندہ کا لحاظ کرتے ہوئے حافظ کہا جا سکتا ہے۔ (و اللہ اعلم)
تفسیر احسن البیان از حافظ صلاح الدین یوسف
28۔ 1 ڈر اس لئے محسوس کیا کہ حضرت ابراہیم ؑ سمجھے، یہ کھانا نہیں کھا رہے ہیں تو اس کا مطلب یہ ہے کہ یہ آنے والے کسی خیر کی نیت سے نہیں بلکہ شر کی نیت سے آئے ہیں۔ 28۔ 2 حضرت ابراہیم ؑ کے چہرے پر خوف کے آثار دیکھ کر فرشتوں نے کہا۔
تيسير القرآن از مولانا عبدالرحمن کیلانی
28۔ پھر اپنے دل میں ان سے خوف [22] محسوس کیا۔ وہ کہنے لگے: ”ڈرو نہیں“ پھر انہوں نے ابراہیم کو ایک صاحب علم لڑکے کی بشارت دی۔
[22] سیدنا ابراہیمؑ کے خوف کی دو وجہیں ہو سکتی ہیں۔ ایک یہ کہ عرب میں قبائلی دستور یہ تھا کہ اگر مہمان کھانا نہ کھائے تو یہ سمجھا جاتا تھا کہ یہ کسی بری نیت سے آیا ہے۔ اور دوسری وجہ یہ ہے کہ عین ممکن ہے کہ مہمانوں کے کھانا نہ کھانے سے سیدنا ابراہیمؑ کو معلوم ہو گیا ہو کہ انسان نہیں بلکہ فرشتے ہیں۔ اس صورت سے ڈرنے کی وجہ یہ تھی کہ فرشتے غیر معمولی حالات کے سوا انسانی شکل میں نہیں آیا کرتے لہٰذا آپ کو خوف لاحق ہوا کہ غالباً کوئی خوفناک معاملہ در پیش ہے۔
تفسیر ابن کثیر مع تخریج و تحکیم
اس آیت کی تفسیر اگلی آیات کیساتھ ملاحظہ کریں۔
اہم:
ویب سائٹ یا موبائل ایپ پر کوئی خرابی نظر آئے تو براہِ کرم فوری طور پر
واٹس اپ
پر اطلاع دیں یا
ای میل کریں۔
