(آیت 40،39) ➊ {فَاصْبِرْعَلٰىمَايَقُوْلُوْنَوَسَبِّحْبِحَمْدِرَبِّكَ …:} اس کی تفسیر کے لیے دیکھیے سورۂ طہٰ (۱۳۰) کی تفسیر۔ ➋ {وَاَدْبَارَالسُّجُوْدِ:} صحیح بخاری میں ہے کہ ابن عباس رضی اللہ عنھما نے فرمایا: [أَمَرَهُأَنْيُسَبِّحَفِيْأَدْبَارِالصَّلَوَاتِكُلِّهَايَعْنِيْقَوْلَهُ: «وَاَدْبَارَالسُّجُوْدِ» ][بخاري، التفسیر، باب قولہ: «و سبح بحمد ربک…» : ۴۸۵۲] {”وَاَدْبَارَالسُّجُوْدِ“} کا مطلب یہ ہے کہ اللہ تعالیٰ نے آپ صلی اللہ علیہ وسلم کو حکم دیا کہ آپ تمام نمازوں کے بعد تسبیح پڑھا کریں۔“ ابوہریرہ رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا: ”جو شخص ہر نماز کے بعد تینتیس(۳۳) دفعہ سبحان اللہ، تینتیس(۳۳) دفعہ الحمد للہ اور تینتیس (۳۳) دفعہ اللہ اکبر کہے تو یہ ننانوے(۹۹) ہو گئے اور سو (۱۰۰) پورا کرنے کے لیے کہے: [لَاإِلٰهَإِلَّااللّٰهُوَحْدَهُلَاشَرِيْكَلَهُلَهُالْمُلْكُوَلَهُالْحَمْدُوَهُوَعَلٰیكُلِّشَيْءٍقَدِيْرٌ] تو اس کے گناہ بخش دیے جاتے ہیں، خواہ سمندر کی جھاگ کے برابر ہوں۔“[مسلم، المساجد، باب استحباب الذکر بعد الصلاۃ…: ۵۹۷]
تفسیر احسن البیان از حافظ صلاح الدین یوسف
39۔ 1 یعنی صبح وشام اللہ کی تسبیح بیان کرو یا عصر اور فجر کی نماز پڑھنے کی تاکید ہے۔
تيسير القرآن از مولانا عبدالرحمن کیلانی
39۔ پس (اے نبی!) جو کچھ یہ لوگ کہہ رہے ہیں اس پر صبر [45] کیجیے اور اپنے پروردگار کی حمد کے ساتھ طلوع آفتاب اور غروب سے پہلے تسبیح کیجئے۔
[45] جب کوئی مسلمان اپنے اعداء کی شماتت، تمسخر، تضحیک، ایذا رسانیوں سے تنگ آجائے یا کسی اور وجہ سے مشکلات میں گھر جائے تو اسے صبر و برداشت سے کام لینا چاہئے اور اپنے پروردگار سے لو لگانا چاہئے اسی کو اپنا سہارا سمجھنا چاہئے۔ اسی کی تسبیح و تہلیل اور یاد میں مشغول رہنا چاہئے اس سے اس کی ذہنی کوفت بہت حد تک دور اور ہلکی ہو جائے گی یہی وہ نسخہ کیمیا ہے جس کی نبی اکرم صلی اللہ علیہ وسلم کو تلقین کی جا رہی ہے اور سب مسلمانوں کو بھی متعدد مقامات پر ایسی ہی تلقین کی گئی ہے۔
تفسیر ابن کثیر مع تخریج و تحکیم
اس آیت کی تفسیر اگلی آیات کیساتھ ملاحظہ کریں۔
اہم:
ویب سائٹ یا موبائل ایپ پر کوئی خرابی نظر آئے تو براہِ کرم فوری طور پر
واٹس اپ
پر اطلاع دیں یا
ای میل کریں۔
