(آیت 72،71) ➊ {اِذِالْاَغْلٰلُفِيْۤاَعْنَاقِهِمْ …: ”الْاَغْلٰلُ“”غُلٌّ“} (غین کے ضمہ کے ساتھ) کی جمع ہے، طوق۔ {”السَّلٰسِلُ“”سِلْسِلَةٌ“} کی جمع ہے، زنجیریں۔ ان آیات کی تفسیر کے لیے دیکھیے سورۂ رعد (۵)۔ ➋ {”يُسْحَبُوْنَ“”سَحَبَيَسْحَبُسَحْبًا“} (ف) گھسیٹ کر لے جانا۔{ ”يُسْجَرُوْنَ“”سَجَرَيَسْجُرُسَجْرًا} (ن) {التَّنُّوْرَ“} تنور میں ایندھن جھونکنا۔ یعنی اللہ کی آیات کو جھٹلانے اور ان کے بارے میں کج بحثی کرنے والے ان کفار کو جب پیاس لگے گی تو فرشتے انھیں گھسیٹتے ہوئے اس جگہ لے جائیں گے جہاں شدید گرم پانی ابل رہا ہو گا۔ وہاں سے گرم پانی پلانے کے بعد انھیں پھر ان کی اصل جگہ جہنم میں ایندھن کی طرح جھونک دیا جائے گا۔ دیکھیے سورۂ صافات (۶۶ تا ۶۸) کی تفسیر۔
تفسیر احسن البیان از حافظ صلاح الدین یوسف
71۔ 1 یہ وہ نقشہ ہے جو جہنم میں ان مکذبین کا ہوگا۔
تيسير القرآن از مولانا عبدالرحمن کیلانی
71۔ جبکہ ان کی گردنوں میں طوق پڑے ہوں گے اور ایسی زنجیریں جن سے پکڑ کر وہ کھولتے پانی میں گھسیٹے [94] جائیں گے۔
[94] یعنی ایسے اہل دوزخ مشرکوں کو جب پیاس لگے گی تو فرشتے ان کو گھسیٹتے ہوئے ایسے مقام پر لے جائیں گے جہاں گرم پانی کے چشمے ابل رہے ہوں گے۔ انہیں وہاں سے گرم پانی پلانے کے بعد پھر اپنے اصل مقام پر لا کر دوزخ میں جھونک دیا جائے گا۔
تفسیر ابن کثیر مع تخریج و تحکیم
اس آیت کی تفسیر اگلی آیات کیساتھ ملاحظہ کریں۔
اہم:
ویب سائٹ یا موبائل ایپ پر کوئی خرابی نظر آئے تو براہِ کرم فوری طور پر
واٹس اپ
پر اطلاع دیں یا
ای میل کریں۔
