ترجمہ و تفسیر — سورۃ الفرقان (25) — آیت 39

(آیت 39) ➊ { وَ كُلًّا ضَرَبْنَا لَهُ الْاَمْثَالَ:} یعنی ہم نے ہر ایک کو مثالیں اور دلائل دے دے کر سمجھایا۔ یہ معنی بھی ہو سکتا ہے کہ ہم نے ہر ایک کو پہلی تباہ شدہ قوموں کی مثالیں بیان کرکے سمجھایا۔
➋ { وَ كُلًّا تَبَّرْنَا تَتْبِيْرًا: ” تَبَّرَ يُتَبِّرُ تَتْبِيْرًا “} کسی چیز کو ٹکڑے ٹکڑے اور ریزہ ریزہ کر دینا۔

39-1یعنی دلائل کے ذریعے سے ہم نے حجت قائم کردی۔ 39-2یعنی تمام حجت کے بعد۔

[51] ہر قوم کے متعلق ہمارا طریقہ یہی رہا کہ ان کی طرف نبی بھیجا گیا جس نے اس قوم کو سابقہ اقوام کے انجام سے متنبہ کیا۔ پھر انہیں مختلف انداز سے مثالیں دے دے کر سمجھایا گیا۔ پھر انہیں غور و فکر کے لئے مہلت بھی دی گئی۔ ان سب باتوں کے بعد بھی جب وہ اپنی ہٹ دھرمی پر اڑے رہے اور ان پر حجت قائم ہو گئی تو پھر ہم نے انہیں اس طرح تباہ کیا کہ ان کا نام و نشان نہ رہنے دیا۔

اس آیت کی تفسیر اگلی آیات کیساتھ ملاحظہ کریں۔