ترجمہ و تفسیر — سورۃ التكاثر (102) — آیت 5

(آیت 5تا7){ كَلَّا لَوْ تَعْلَمُوْنَ عِلْمَ الْيَقِيْنِ …:” لَتَرَوُنَّ “ ”رَاٰي يَرٰي رُؤْيَةً“} (ف) (دیکھنا) سے جمع حاضر فعل مضارع معلوم بانون تاکید ثقیلہ ہے، تم ضرور بالضرور دیکھو گے۔ ان آیات کی تفسیر کے لیے دیکھیے سورۂ حاقہ کی آیت (۵۱) کی تفسیر۔ مسلمان اور کافر سبھی جہنم کو دیکھیں گے، جیساکہ فرمایا: «‏‏‏‏وَ اِنْ مِّنْكُمْ اِلَّا وَارِدُهَا» [مریم: ۷۱] ”تم میں سے ہر کوئی اس پر وارد ہوگا۔“ پھر اسے یقین کی آنکھ سے دیکھ لیں گے، کوئی شک و شبہ نہیں رہے گا۔

5۔ 1 مطلب یہ ہے کہ اگر تم اس غفلت کا انجام اسطرح یقینی طور پر جان لو جس طرح دنیا کی کسی دیکھی بھالی چیز کا تم یقین کرتے ہو تو تم یقینا تکاثر و تفاخر میں مبتلا نہ ہو۔

اس آیت کی تفسیر اگلی آیات کیساتھ ملاحظہ کریں۔