سنن سعید بن منصور

سیدنا ابن عباس رضی اللہ عنہما نے اللہ عزوجل کے فرمان ﴿لَا تَسْأَلُوا عَنْ أَشْيَاءَ﴾ کے بارے میں فرمایا: اس سے مراد بحیرہ، سائبہ، وصیلہ اور حام ہیں۔ کیا تم دیکھتے نہیں کہ اللہ عزوجل نے فرمایا ہے: اللہ نے ان میں سے کوئی چیز مقرر نہیں فرمائی۔ جبکہ عکرمہ رحمہ اللہ نے فرمایا: لوگ رسول اللہ صلی اللہ علیہ وسلم سے آیات کے متعلق سوال کرتے تھے تو انہیں اس سے منع کر دیا گیا۔ پھر انہوں نے فرمایا: ﴿قَدْ سَأَلَهَا قَوْمٌ مِنْ قَبْلِكُمْ ثُمَّ أَصْبَحُوا بِهَا كَافِرِينَ﴾ یعنی تم سے پہلے بھی ایک قوم نے ایسے سوالات کیے، پھر اس کے منکر ہوگئے۔ اس پر میں نے عکرمہ سے کہا: مجھے تو مجاہد رحمہ اللہ نے سیدنا ابن عباس رضی اللہ عنہما سے اس کے خلاف بیان کیا ہے، تو تم ایسا کیوں کہتے ہو؟ انہوں نے کہا: جواب دینے سے عاجز ہو کر ہاں بس ایسا ہی ہے۔