سلسله احاديث صحيحه

علی بن خالد کہتے ہیں کہ سیدنا ابوامامہ باہلی رضی اللہ عنہ خالد بن یزید بن معاویہ کے پاس سے گزرے ، اس نے ان سے رسول اللہ صلی اللہ علیہ وسلم نے سنے ہوئے انتہائی نرم کلمے کے بارے میں سوال کیا ۔ انہوں نے کہا : میں نے رسول اللہ صلی اللہ علیہ وسلم کو فرماتے ہوئے سنا : ”تم میں سے ہر کوئی جنت میں داخل ہو گا ، ماسوائے اس کے جس نے اللہ تعالیٰ پر اس طرح بغاوت کی ، جس طرح اونٹ اپنے مالک پر بدک جاتا ہے ۔“

سیدنا ابوسعید خدری رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا : ”‏‏‏‏اس ذات کی قسم جس کے ہاتھ میں میری جان ہے ! تم سارے لوگ جنت میں داخل ہو گے ، ماسوائے ان کے جو انکار کر دیتے ہیں اور اونٹ کے بدکنے کی طرح ( ‏‏‏‏اللہ اور رسول کی ) اطاعت سے بغاوت کر جاتے ہیں ۔“ ‏‏‏‏ صحابہ نے عرض کی : بھلا جنت میں جانے سے کون انکار کرتا ہے ؟ آپ صلی اللہ علیہ وسلم نے فرمایا : ”جس نے میری اطاعت کی وہ جنت میں داخل ہو گا اور جس نے میری نافرمانی کی ، اس نے ( ‏‏‏‏گویا جنت میں داخل ہونے سے ) انکار کر دیا ۔“