سلسله احاديث صحيحه

سیدنا ابوہریرہ رضی اللہ عنہ بیان کرتے ہیں ، رسول اللہ صلی اللہ علیہ وسلم نے فرمایا : ” کیا میں تمہارے لیے جنت والوں کی نشاندہی نہ کر دوں ؟ وہ تو کمزور اور مظلوم لوگ ہیں ۔ کیا میں تمہیں جہنم والوں کے بارے میں نہ بتلاؤں ؟ وہ سخت اور مغرور لوگ ہیں ۔ “

سیدنا سراقہ بن مالک رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا : ” کیا میں تمہیں اہل جنت کے بارے میں نہ بتلاؤں ؟ وہ مغلوب اور ضعیف قسم کے لوگ ہیں اور بدمزاج ، اکڑوں اور متکبر لوگ جہنمی ہیں ۔ “