سلسله احاديث صحيحه

سیدنا ابوامامہ رضی اللہ عنہ کہتے ہیں : ایک آدمی نے کہا : اے اللہ کے رسول ! کیا آدم علیہ السلام نبی تھے ؟ آپ صلی اللہ علیہ وسلم نے فرمایا : ”ہاں ، وہ تعلیم دیے گئے تھے اور ان سے ( ‏‏‏‏اللہ تعالیٰ کی طرف سے ) کلام بھی کی گئی تھی ۔“ اس نے کہا : ان کے اور نوح علیہ السلام کے مابین کتنا فاصلہ ہے ؟ آپ صلی اللہ علیہ وسلم نے فرمایا : ”دس صدیاں ( ‏‏‏‏یا دس زمانے ) ۔“ اس نے کہا : نوح علیہ السلام اور ابراہیم علیہ السلام کے درمیان کتنا فاصلہ ہے ؟ آپ صلی اللہ علیہ وسلم نے فرمایا : ”دس صدیاں ۔“ پھر صحابہ نے پوچھا : اے اللہ کے رسول ! کل کتنے رسول ہو گزرے ہیں ؟ آپ صلی اللہ علیہ وسلم نے فرمایا : ”تین سو پندرہ ، جم غفیر ہے ۔“

سیدنا ابو امامہ رضی اللہ عنہ سے مروی ہے کہ ایک آدمی نے کہا : اے اللہ کے رسول ! کیا آدم علیہ السلام نبی تھے ؟ رسول اللہ صلی اللہ علیہ وسلم نے فرمایا : ”ہاں ، ان سے کلام بھی کی گئی تھی ۔“ اس نے کہا : ان کے اور نوح علیہ السلام کے درمیان کتنا فاصلہ تھا ؟ آپ صلی اللہ علیہ وسلم نے فرمایا : : ”دس صدیاں ۔“ اس نے کہا : اے اللہ کے رسول ! کل کتنے رسول تھے ؟ آپ صلی اللہ علیہ وسلم نے فرمایا : ”تین سو پندرہ ۔“