سلسله احاديث صحيحه

سیدنا سلمان رضی اللہ عنہ سے روایت ہے ، نبی کریم صلی اللہ علیہ وسلم نے فرمایا : ”قیامت والے دن ( ‏‏‏‏اتنا بڑا ) ترازو رکھا جائے گا کہ اس میں زمین و آسمان کا وزن بھی کیا جا سکے گا ۔ فرشتے پوچھیں گے : یہ ترازو کس کے لیے وزن کرے گا ؟ اللہ تعالیٰ فرمائیں گے : میں اپنی مخلوق میں سے جس کے لیے چاہوں گا ۔ فرشتے کہیں گے : ( ‏‏‏‏اے اللہ ! ) تو پاک ہے ، ہم تیری عبادت کا حق ادا نہ کر سکے ۔ پھر پل صراط نصب کیا جائے گا ، جو استرے کی دھار کی طرح ہو گا ۔ فرشتے پوچھیں گے : ( ‏‏‏‏اے اللہ ) تو کس کو یہ عبور کروائے گا ؟ اللہ تعالیٰ فرمائیں گے : میں اپنی مخلوق میں سے جس کو چاہوں گا ۔ وہ کہیں گے : تو پاک ہے ، ہم کماحقہ تیری عبادت نہ کر سکے ۔“