سلسله احاديث صحيحه

سیدنا انس بن مالک رضی اللہ عنہ سے روایت ہے کہ رسول اللہ صلی اللہ علیہ وسلم فرمایا کرتے تھے : ” بھلائی تو آخرت کی ہی بھلائی ہے ۔ “ یا یوں فرمایا : ” اے اللہ ! بھلائی نہیں ہے مگر آخرت کی بھلائی پس تو انصاریوں اور مہاجروں کو بخش دے ۔ “

نبی کریم صلی اللہ علیہ وسلم نے فرمایا : ” جب میرے صحابہ کا تذکرہ ہونے لگے تو خاموش رہنا ، جب ستاروں کا ذکر ہونے لگے تو خاموش رہنا اور جب تقدیر کے مسئلے کا ذکر ہونے لگے تو خاموش رہنا ۔ ”یہ حدیث سیدنا عبداللہ بن مسعود ، سیدنا ثوبان ، سیدنا عبدللہ بن عمر رضی اللہ عنہم اور طاؤس سے مرسلاً روایت کی گئی ہے ۔

بکر بن عبداللہ کہتے ہیں کہ اصحاب رسول تربوز ( ‏‏‏‏یا خربوزے ) کے چھلکے ( ‏‏‏‏یا ان دونوں کی بیلیں ) ایک دوسرے کو مار کر مزاح کرتے تھے ، لیکن جب حقیقت میں ( ‏‏‏‏دشمنوں سے گھمسان کے رن ) پڑتے تو وہ سخت جنگجو ثابت ہوتے ۔