سلسله احاديث صحيحه

سیدنا عبداللہ بن عمرو رضی اللہ عنہ سے مروی ہے کہ سیدنا معاذ بن جبل رضی اللہ عنہ نے سفر کا ارادہ کیا اور کہا : اے اللہ کے رسول ! مجھے کوئی ‏‏‏‏وصیت فرما دیں ۔ آپ صلی اللہ علیہ وسلم نے فرمایا : ” ‏‏‏‏تو اللہ کی عبادت کر اور اس کے ساتھ کسی کو شریک نہ ٹھہرا ۔ “ انہوں نے کہا ، اے اللہ کے نبی ! مزید وصیت فرمائیں ۔ آپ صلی اللہ علیہ وسلم نے فرمایا : ” جب تو برائی کرے تو فوراً نیکی کر ۔ “ انہوں نے کہا : اے اللہ کے نبی ! اور کوئی وصیت فرما دیں ۔ آپ صلی اللہ علیہ وسلم نے فرمایا : ” ثابت قدم رہ ، نیز تیرا اخلاق اچھا ہونا چاہیئے ۔ “