سلسله احاديث صحيحه

سیدنا ابی بن مالک رضی اللہ عنہ سے روایت ہے ، نبی کریم صلی اللہ علیہ وسلم نے فرمایا : ” جس نے اپنے ماں باپ دونوں یا کسی ایک کو پایا اور پھر آگ میں داخل ہو گیا تو اللہ تعالیٰ ایسے شخص کو ( ‏‏‏‏اپنی رحمت سے ) دور کر دے اور اسے ہلاک کر دے ۔ “

سیدنا ابودردا رضی اللہ عنہ بیان کرتے ہیں کہ انہوں نے رسول اللہ صلی اللہ علیہ وسلم کو فرماتے سنا ہے : ” باپ جنت کے دروازوں میں سے بہترین دروازاہ ہے ۔ “

سیدنا ابوہریرہ رضی اللہ عنہ کہتے ہیں : رسول اللہ صلی اللہ علیہ وسلم کا گزر عبداللہ بن ابی بن سلول کے پاس سے ہوا ، وہ ایک جھاڑی کے سائے میں تھا ، اس نے کہا : ابن ابی کبشہ ( ‏‏‏‏ ‏‏‏‏‏‏‏‏یعنی محمد صلی اللہ علیہ وسلم ) نے ہم پر گرد و غبار اڑایا ہے ۔ اس کے بیٹے عبدالله بن عبدالله نے کہا : قسم ہے اس ذات کی جس نے آپ صلی اللہ علیہ وسلم ‏‏‏‏کو عزت دی اور آپ پر کتاب نازل کی ! اگر آپ کی چاہت ہو تو میں اس کا سر ( ‏‏‏‏قلم کر کے ) آپ کے پاس لے آتا ہوں ۔ آپ نے فرمایا : ” نہیں ، بلکہ تو اپنے باپ سے نیکی کر اور حسن صحبت سے پیش آ ۔ “

سیدہ عائشہ رضی اللہ عنہا بیان کرتی ہیں کہ نبی کریم صلی اللہ علیہ وسلم نے فرمایا : ” ‏‏‏‏میں جنت میں داخل ہوا ، میں نے وہاں قراءت کی آواز سنی ۔ میں نے پوچھا : ( ‏‏‏‏جس کی آواز آ رہی ہے ) یہ کون ہے ؟ انہوں نے کہا : حارثہ بن نعمان ہے ۔ یہی نیکی اور ( ‏‏‏‏حسن سلوک ) ہے ، یہی نیکی اور ( ‏‏‏‏‏حسن سلوک ) ہے ، وہ ( ‏‏‏‏‏‏‏‏‏حارثہ ) اپنی ماں کے ساتھ بہت زیادہ حسن سلوک کرنے والا تھا ۔ “