سلسله احاديث صحيحه

سیدنا عبداللہ بن مسعود رضی اللہ عنہ کہتے ہیں : جب یہ آیت نازل ہوئی : «لَيْسَ عَلَى الَّذِينَ آمَنُوا وَعَمِلُوا الصَّالِحَاتِ جُنَاحٌ فِيمَا طَعِمُوا إِذَا مَا اتَّقَوْا وَآمَنُوا وَعَمِلُوا الصَّالِحَاتِ ثُمَّ اتَّقَوْا وَآمَنُوا ثُمَّ اتَّقَوْا وَأَحْسَنُوا وَاللَّـهُ يُحِبُّ الْمُحْسِنِينَ» (5-المائدة:93) ”ایسے لوگوں پر جو کہ ایمان رکھتے ہیں اور نیک کام کرتے ہیں ، اس چیز میں کوئی گناہ نہیں ، جس کو وہ کھاتے پیتے ہیں ، جبکہ وہ لوگ تقویٰ رکھتے ہوں اور ایمان رکھتے ہوں اور نیک کام کرتے ہوں ، پھر پرہیزگاری کرتے ہوں اور ایمان رکھتے ہوں ، پھر پرہیزگاری کرتے ہوں اور خوب نیک عمل کرتے ہوں ، اللہ تعالیٰ ایسے نیکو کاروں سے محبت رکھتے ہیں ۔ “ تو آپ صلی اللہ علیہ وسلم نے مجھے فرمایا: ”مجھے کہا گیا ہے کہ تو بھی ان میں سے ہے۔“