سلسله احاديث صحيحه

سیدنا ابوہریرہ رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا : ”درندوں میں سے ہر کچلی والے جانور کا کھانا حرام ہے ۔“

سیدنا ابوثعلبہ خشنی رضی اللہ عنہ کہتے ہیں : میں نبی کریم صلی اللہ علیہ وسلم کے پاس آیا اور کہا: اے اللہ کے رسول ! مجھے بتلائیں کہ میرے لیے کون سی چیز حلال ہے اور کون سی حرام ؟ آپ صلی اللہ علیہ وسلم نے فرمایا : ”گھریلو گدھے اور ہر کچلی والے درندے کا گوشت نہ کھایا کر ۔“