سلسله احاديث صحيحه

سیدنا ابوثعلبہ خشنی رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا : ” تو شکار کو تیر وغیرہ مارتا ہے ، لیکن وہ (غائب ہو جاتا ہے اور ) تجھے تین دنوں کے بعد ملتا ہے اور تیرا تیر اس میں موجود ہوتا ہے تو جب تک وہ بدبودار (اور متعفن) نہ ہو ، اسے کھانے کے لیے استعمال کر لیا کر ۔“

نبی کریم صلی اللہ علیہ وسلم نے فرمایا : ”تیری کمان (جس شکار کو) واپس پلٹا دے (یعنی جس جانور کو شکار کر لے ) اسے کھا لے ۔“ یہ حدیث سیدنا عبداللہ بن عمرو ، سیدنا ابوثعلبہ خشنی ، سیدنا عقبہ بن عامر اور سیدنا حذیفہ بن یمان رضی اللہ عنہم سے روایت کی گئی ہے ۔