سلسله احاديث صحيحه

سیدنا اسامہ بن شریک رضی اللہ عنہ سے روایت ہے ، رسول اللہ صلی اللہ علیہ وسلم نے فرمایا : ”کالے دانے یعنی کلونجی میں موت کے علاوہ ہر بیماری کا علاج ہے ۔“

سیدنا ابوہریرہ رضی اللہ عنہ سے روایت ہے ، رسول اللہ صلی اللہ علیہ وسلم نے فرمایا : ”کالے دانے یعنی کلونجی میں موت کے علاوہ ہر بیماری کی شفا ہے ۔“

سیدنا ابو ہریرہ رضی اللہ عنہ سے روایت ہے ، رسول اللہ صلی اللہ علیہ وسلم نے فرمایا : ”تم کالے دانے یعنی کلونجی کا استعمال لازمی طور پر کیا کرو ، کیونکہ اس میں موت کے علاوہ ہر بیماری کی شفا ہے ۔“

سیدنا بریدہ رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا : ”تم کلونجی ، جسے شونیز کہتے ہیں ، استعمال کیا کرو ، کیونکہ اس میں شفا ہے ۔“