سلسله احاديث صحيحه

سیدنا انس رضی اللہ عنہ سے روایت ہے ، وہ کہتے ہیں کہ رسول اللہ صلی اللہ علیہ وسلم نے فرمایا : ”میں تم پر مسواک کے معاملے میں بہت زیادہ تاکید کرتا ہوں ۔ “

سیدنا عبداللہ بن عباس رضی اللہ عنہما سے روایت ہے ، وہ کہتے ہیں کہ نبی کریم صلی اللہ علیہ وسلم نے فرمایا : ” مجھے مسواک کرنے کا ( اس قدر زیادہ حکم دیا ) کہ میں اپنے دانتوں کے بارے میں ڈرنے لگ گیا ۔ “

سیدنا عبداللہ بن عمر رضی اللہ عنہما سے روایت ہے کہ جب آپ صلی اللہ علیہ وسلم سوتے تو مسواک آپ کے پاس ہوتا ، جب بیدار ہوتے تو مسواک سے ابتدا کرتے ۔

عبد الرحمن بن ابی لیلی کسی صحابی رسول سے بیان کرتے ہیں کہ آپ صلی اللہ علیہ وسلم نے فرمایا : ” اگر میں اپنی امت پر مشقت نہ سمجھتا تو ان پر مسواک کو یوں فرض قرار دیتا ، جیسے وضو کو لازم کیا ہے ۔ “