سلسله احاديث صحيحه

- " بعثني إلى [قومي] (باهلة) ، [فانتهيت إليهم وأنا طاو] ، فأتيت وهم على الطعام، (وفي رواية: يأكلون دما) ، فرجعوا بي وأكرموني، [قالوا: مرحبا بالصدي بن عجلان، قالوا: بلغنا أنك صبوت إلى هذا الرجل. قلت: لا ولكن آمنت بالله وبرسوله، وبعثني رسول الله صلى الله عليه وسلم إليكم أعرض عليكم الإسلام وشرائعه] وقالوا: تعال كل. فقلت: [ويحكم إنما] جئت لأنهاكم عن هذا، وأنا رسول رسول الله صلى الله عليه وسلم أتيتكم لتؤمنوا به، [فجعلت أدعوهم إلى الإسلام] ، فكذبوني وزبروني، [فقلت لهم: ويحكم ائتوني بشيء من ماء فإني شديد العطش. قال: وعلي عمامتي، قالوا: لا ولكن ندعك تموت عطشا!] ، فانطلقت وأنا جائع ظمآن قد نزل بي جهد شديد. [قال: فاغتممت ، وضربت رأسي في العمامة] فنمت [في الرمضاء في حر شديد] فأتيت في منامي بشربة من لبن [لم ير الناس ألذ منه، فأمكنني منها] ، فشربت ورويت وعظم بطني. فقال القوم: أتاكم رجل من خياركم وأشرافكم فرددتموه، فاذهبوا إليه فأطعموه من الطعام والشراب ما يشتهي. فأتوني بطعام! قلت: لا حاجة لي في طعامكم وشرابكم، فإن الله قد أطعمني وسقاني، فانظروا إلى الحال التي أنا عليها، [فأريتهم بطني] ، فنظروا، فآمنوا بي وبما جئت به من عند رسول الله صلى الله عليه وسلم ، [فأسلموا عن آخرهم] ".

سیدنا ابوامامہ رضی اللہ عنہ بیان کرتے ہیں کہ رسول اللہ صلی اللہ علیہ وسلم نے مجھے میری قوم ” ‏‏‏‏باہلہ “ ‏‏‏‏کی طرف ( ‏‏‏‏ ‏‏‏‏بحیثیت مبلغ ) بھیجا ، جب میں ان کے پاس پہنچا تو بھوکا تھا اور وہ اس وقت کھانا کھا رہے تھے ، ( ‏‏‏‏ایک روایت میں ہے کہ خون کھا رہے تھے ) ۔ وہ میری طرف متوجہ ہوئے اور میری عزت و آبرو کی ، انہوں نے کہا : صدی بن عجلان کو خوش آمدید ۔ انہوں نے کہا : ہمیں یہ خبر موصول ہوئی ہے کہ تم اس آدمی ( ‏‏‏‏محمد صلی اللہ علیہ وسلم ) کی طرف مائل ہو گئے ہو ( ‏‏‏‏کیا بات اسی طرح ہے ) ؟ میں نے کہا : نہیں نہیں ۔ میں تو اللہ تعالیٰ اور اس کے رسول پر ایمان لایا ہوں اور اب رسول اللہ صلی اللہ علیہ وسلم نے مجھے ( ‏‏‏‏ قاصد بنا کر ) بھیجا ہے تاکہ تم پر اسلام اور اس کے شرعی قوانین پیش کروں ۔ انہوں نے کہا : آؤ کھانا کھاؤ ۔ میں نے کہا : تمہارا ستیاناس ہو ، میں تو تمہیں اس ( ‏‏‏‏قسم کے کھانوں سے ) منع کرنے کے لیے آیا ہوں ، میں رسول اللہ صلی اللہ علیہ وسلم کا قاصد ہوں ، میں تمہارے پاس آیا ہوں تاکہ تم لوگ مومن بن جاؤ ۔ میں انہیں دعوت اسلام دیتا رہا اور وہ مجھے جھٹلاتے اور جھڑکتے رہے ۔ میں نے انہیں کہا : تمہارا ناس ہو ، میں سخت پیاسا ہوں ، پانی تو پلاؤ ، اس وقت میرے پاس ایک پگڑی بھی رکھی ہوئی تھی ۔ انہوں نے کہا : نہیں ۔ ہم تجھے یوں ہی چھوڑے رکھیں گے ، حتیٰ کہ تو مر جائے گا ۔ میں سخت بھوک اور پیاس کی حالت میں وہاں سے چل دیا ، میں اس وقت بری طرح تھک ہار چکا تھا اور دم گھٹ رہا تھا ، میں نے اپنا سر پگڑی میں دیا اور گرمی کی شدت میں تپتی ہوئی زمین پر سو گیا ، خواب میں میرے پاس دودھ لایا گیا ( ‏‏‏‏اور اتنا لذیذ کہ ) لوگوں نے اس جیسا لذت والا دودھ نہیں دیکھا ہو گا ، مجھے اس کو پینے کا موقع دیا گیا ، میں نے پیا اور سیراب ہو گیا اور میرا پیٹ بڑا ہو گیا ۔ لوگوں نے کہا : تمہارے پاس ایک اعلی و اشرف آدمی آیا تھا ، لیکن تم نے ( ‏‏‏‏اس کی کوئی عزت نہیں کی ) اور اسے دھتکار دیا ، جاؤ اور اسے اس کی چاہت کے مطابق کھانا کھلاؤ اور مشروب پلاؤ ۔ وہ میرے پاس کھانا لائے ، لیکن میں نے کہا : مجھے تمہارے کھانے پینے کی کوئی ضرورت نہیں ، اللہ تعالیٰ نے مجھے کھلایا بھی ہے اور پلایا بھی ہے ۔ یہ میرا وجود دیکھ لو ۔ پھر میں نے ان کو اپنا ( ‏‏‏‏سیر و سیراب ) پیٹ دکھایا ، جب انہوں نے یہ ( ‏‏‏‏کرامت ) صورتحال دیکھی تو وہ مجھ پر اور جو کچھ میں رسول اللہ صلی اللہ علیہ وسلم کی طرف سے لایا تھا ، اس پر ایمان لے آئے اور سارے کے سارے مسلمان ہو گئے ۔