سلسله احاديث صحيحه

(استوصوا بالأنصار خيرا- أو قال: معروفا-؛ اقبلوا من محسنهم، وتجاوزوا عن مسيئهم) .

علی بن زید کہتے ہیں کہ انصار کے سردار کی طرف سے مصعب بن زبیر رضی اللہ عنہ کو کوئی ( ‏‏‏‏قابل اعتراض ) بات پہنچی ، انہوں نے اسے برا بھلا کہنے کا ارادہ کیا ، اتنے میں سیدنا انس بن مالک رضی اللہ عنہ آ گئے اور اسے کہا : میں نے رسول اللہ صلی اللہ علیہ وسلم کو فرماتے سنا : ”انصار صحابہ کے ساتھ بھلائی کرنے کی وصیت قبول کرو ، ان میں سے نیکی کرنے والوں سے حسن سلوک کرو اور غلطی کرنے والوں سے درگزر کرو ۔“ ( ‏‏‏‏ یہ سن کر ) سیدنا مصعب رضی اللہ عنہ نے اپنے آپ کو چارپائی سے نیچے گرا دیا اور اپنے رخسار کو زمین پر رکھ دیا اور کہا : رسول اللہ صلی اللہ علیہ وسلم کا ارشاد سر آنکھوں پر ۔ پھر انصاری کو چھوڑ دیا ۔