صحیح ابن حبان

سیدنا جابر بن عبداللہ رضی اللہ عنہما روایت کرتے ہیں، نبی اکرم صلی اللہ علیہ وسلم نے ارشاد فرمایا: ” جب اہل جنت، جنت میں داخل کر دیئے جائیں گے تو اللہ تعالیٰ فرمائے گا: کیا تم کسی چیز کے خواہش مند ہو؟ تاکہ میں تمہیں مزید عطا کروں، تو وہ عرض کریں گے اے ہمارے پروردگار! تو نے ہمیں جو کچھ عطا کر دیا ہے اس سے اوپر اور کیا ہو سکتا ہے؟ نبی اکرم صلی اللہ علیہ وسلم فرماتے ہیں: تو پروردگار فرمائے گا: جی ہاں! میری رضا سب سے برتر ہے۔ “