صحیح ابن حبان

سیدنا ابوسعید خدری رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں: ” جب اہل ایمان جہنم سے نجات پا لیں گے، تو انہیں جنت اور جہنم کے درمیان ایک ڈھیر پر روک لیا جائے گا اور ان کے درمیان آپس میں دنیا میں جو زیادتیاں ہوئی تھیں ان کا بدلہ دلوایا جائے گا، یہاں تک کہ جب وہ پاک و صاف ہو جائیں گے تو انہیں جنت میں داخل ہونے کی اجازت دی جائے گی۔ اس ذات کی قسم جس کے دست قدرت میں محمد کی جان ہے، جنت میں (داخل ہونے والا شخص) اپنے مخصوص ٹھکانے سے اس سے زیادہ واقف ہو گا جتنا وہ دنیا میں اپنے گھر سے واقف تھا۔