صحیح ابن حبان

سیدنا صفوان بن محرز مازنی رضی اللہ عنہ بیان کرتے ہیں: ایک مرتبہ ہم سیدنا عبداللہ بن عمر رضی اللہ عنہما کے ساتھ بیت اللہ کا طواف کر رہے تھے اسی دوران ایک شخص ان کے سامنے آیا اور بولا: اے سیدنا عبداللہ بن عمر! آپ نے نبی اکرم صلی اللہ علیہ وسلم کو سرگوشی کے بارے میں کیا بات ارشاد فرماتے ہوئے سنا ہے، تو سیدنا عبداللہ رضی اللہ عنہ نے بتایا: میں نے نبی اکرم صلی اللہ علیہ وسلم کو یہ بات ارشاد فرماتے ہوئے سنا ہے: ” قیامت کے دن مومن اپنے پروردگار کے قریب ہو گا، یہاں تک کہ وہ اسے پردے میں کر لے گا اور پھر اس سے اس کے گناہوں کا اعتراف کروائے گا۔ پروردگار فرمائے گا: کیا تم ان سے واقف ہو۔ وہ کہے گا: اے میرے پروردگار! میں انہیں پہچانتا ہوں، یہاں تک کہ وہاں تک بات چلی جائے گی، جو اللہ کو منظور ہو گا کہ وہاں تک جائے پھر پروردگار فرمائے گا: میں نے دنیا میں تمہارے ان عیوب کی پردہ پوشی کی تھی اور آج میں تمہارے لیے ان کی مغفرت کرتا ہوں۔ پھر اس شخص کو اس کی نیکیوں کا صحیفہ دیا جائے گا۔ “ لیکن جہاں تک کافر اور منافق شخص کا تعلق ہے اسے تمام لوگوں کی موجودگی میں پکارا جائے گا (اور یہ کہا: جائے گا: جس کا ذکر قرآن میں ہے) ” یہ وہ لوگ ہیں، جنہوں نے اپنے پروردگار کو جھٹلایا۔ خبردار! ظلم کرنے والوں پر اللہ کی لعنت ہو۔ “