صحیح ابن حبان

سیدنا ابوبکرہ رضی اللہ عنہ روایت کرتے ہیں، نبی اکرم صلی اللہ علیہ وسلم نے ارشاد فرمایا: ” اسلم، غفار، جہینہ اور مزینہ، بنو تمیم، اسد، غطفان اور بنو عامر بن صعصعہ (نامی قبیلوں) سے بہتر ہیں۔ “ شعبہ نامی راوی کہتے ہیں: بنو تمیم کے سردار محمد بن عبداللہ نے عبدالرحمن بن ابوبکرہ کے حوالے سے ان کے والد کے حوالے نبی اکرم صلی اللہ علیہ وسلم کا یہ فرمان نقل کیا: ” تمہاری کیا رائے ہے، اسلم، غفار، جہینہ اور مزینہ قبیلے کے لوگ بنو تمیم، بنو عامر بن صعصعہ، بنو اسد اور بنو غطفان سے بہتر ہوں، تو کیا وہ (یعنی بنو تمیم وغیرہ) رسوا ہو جائیں گے اور خسارے کا شکار ہو جائیں گے۔ لوگوں نے عرض کی: جی ہاں۔ نبی اکرم صلی اللہ علیہ وسلم نے ارشاد فرمایا: اس ذات کی قسم جس کے دست قدرت میں میری جان ہے یہ لوگ ان سے بہتر ہیں۔ “