صحیح ابن حبان

علقمہ بن وائل اپنے والد کا یہ بیان نقل کرتے ہیں: نبی اکرم صلی اللہ علیہ وسلم نے کچھ زمین انہیں عطا کی نبی اکرم صلی اللہ علیہ وسلم نے ان کے ہمراه سیدنا معاویہ رضی اللہ عنہ کو بھیجا کہ تم وہ زمین اسے دے دینا، تو سیدنا معاویہ رضی اللہ عنہ نے کہا: آپ مجھے اپنے پیچھے (اپنے جانور پر) بٹھا لیں، تو انہوں نے کہا: تم بادشاہوں کے پیچھے نہ بیٹھو۔ سیدنا معاویہ رضی اللہ عنہ نے کہا: آپ اپنا جوتا مجھے دے دیں، تو انہوں نے کہا: تم اونٹنی کے سائے میں چلو۔
(راوی بیان کرتے ہیں:) جب سیدنا معاویہ رضی اللہ عنہ خلیفہ بن گئے تو میں ان کے پاس آیا انہوں نے مجھے اپنے ساتھ پلنگ پر بٹھایا اور میرے ساتھ بات چیت کرتے رہے۔
سیدنا وائل رضی اللہ عنہ بیان کرتے ہیں: اس وقت میں نے یہ آرزو کی، کاش میں نے انہیں (اپنی سواری پر) اپنے آگے بٹھایا ہوتا۔