صحیح ابن حبان

سیدنا خالد بن ولید رضی اللہ عنہ بیان کرتے ہیں: میرے اور عمار بن یاسر کے درمیان تلخ کلامی ہو گئی، تو سیدنا عمار رضی اللہ عنہ گئے انہوں نے نبی اکرم صلی اللہ علیہ وسلم سے اس کی شکایت لگا دی، سیدنا خالد رضی اللہ عنہ نے سختی کا اظہار کیا۔ نبی اکرم صلی اللہ علیہ وسلم خاموش رہے پھر سیدنا عمار رضی اللہ عنہ رونے لگے انہوں نے عرض کی: یا رسول اللہ صلی اللہ علیہ وسلم کیا آپ اسے سن نہیں رہے ہیں۔ سیدنا خالد رضی اللہ عنہ بیان کرتے ہیں: نبی اکرم صلی اللہ علیہ وسلم نے اپنا سر مبارک اٹھا کر میری طرف دیکھا اور فرمایا جو شخص عمار سے دشمنی رکھے اللہ تعالیٰ اس سے دشمنی رکھے اور جو شخص اس سے بغض رکھے اللہ تعالیٰ اس سے بغض رکھے۔
سیدنا خالد رضی اللہ عنہ کہتے ہیں، تو جب میں وہاں سے نکلا، تو سیدنا عمار رضی اللہ عنہ کی رضامندی سے زیادہ اور کوئی چیز میرے نزدیک محبوب نہیں تھی پھر میں ان سے ملا (ان سے معذرت کی) تو وہ راضی ہو گئے۔