صحیح ابن حبان

سیدنا جابر رضی اللہ عنہ بیان کرتے ہیں: جب خانہ کعبہ کی تعمیر شروع ہوئی، تو نبی اکرم صلی اللہ علیہ وسلم اور سیدنا عباس رضی اللہ عنہ پتھر منتقل کرنے لگے۔ سیدنا عباس رضی اللہ عنہ نے نبی اکرم صلی اللہ علیہ وسلم سے کہا: آپ اپنا تہبند اپنی گردن پر رکھ لیں۔ نبی اکرم صلی اللہ علیہ وسلم نے ایسا ہی کیا، تو آپ زمین پر گر گئے اور آپ کی آنکھیں آسمان کی طرف بلند ہو گئیں پھر آپ کھڑے ہوئے آپ نے فرمایا: میرا تہبند، میرا تہبند پھر آپ نے اپنا تہبند باندھ لیا۔