صحیح ابن حبان

سیدنا اسامہ بن زید رضی اللہ عنہما بیان کرتے ہیں: ایک مرتبہ میں کسی کام کے سلسلے میں رات کے وقت نبی اکرم صلی اللہ علیہ وسلم کی خدمت میں حاضر ہوا نبی اکرم صلی اللہ علیہ وسلم کسی چیز کو اٹھائے ہوئے تھے مجھے اندازہ نہیں ہوا وہ کیا چیز ہے، جب میں اپنے کام سے فارغ ہوا تو میں نے عرض کی: یہ کیا چیز ہے، جس کے اوپر آپ صلی اللہ علیہ وسلم نے چادر دی ہوئی ہے، نبی اکرم صلی اللہ علیہ وسلم نے اس چادر کو ہٹایا تو وہ سیدنا حسن رضی اللہ عنہ اور سیدنا حسین رضی اللہ عنہ تھے جو آپ صلی اللہ علیہ وسلم کے زانوں پر بیٹھے ہوئے تھے۔ نبی اکرم صلی اللہ علیہ وسلم نے فرمایا: یہ دونوں میرے بیٹے ہیں اور میری بیٹی کے بیٹے ہیں اے اللہ! بے شک تو یہ بات جانتا ہے میں ان دونوں سے محبت کرتا ہوں، تو بھی ان دونوں سے محبت کر۔