صحیح ابن حبان

سالم بن عبداللہ اپنے والد (سیدنا عبداللہ بن عمر رضی اللہ عنہما) کے حوالے سے نبی اکرم صلی اللہ علیہ وسلم کا یہ فرمان نقل کرتے ہیں: ” میں نے (خواب میں دیکھا) کہ مجھے ایک برتن دیا گیا ہے جو دودھ سے بھرا ہوا تھا میں نے اس میں سے پی لیا، یہاں تک کہ میں سیر ہو گیا تو میں نے محسوس کیا کہ وہ دودھ میری جلد اور گوشت کے درمیان رگوں کے اندر چل رہا ہے اس میں سے کچھ بچ گیا تو وہ میں نے ابوبکر کو دیدیا۔ لوگوں نے عرض کی: یا رسول اللہ! اس سے مراد علم ہے، جو اللہ تعالیٰ نے آپ صلی اللہ علیہ وسلم کو عطا کیا تھا، یہاں تک کہ جب آپ صلی اللہ علیہ وسلم اس سے بھر گئے اور یہ باقی بچ گیا تو آپ صلی اللہ علیہ وسلم نے وہ سیدنا ابوبکر رضی اللہ عنہ کو عطا کر دیا۔ نبی اکرم صلی اللہ علیہ وسلم نے ارشاد فرمایا: تم نے ٹھیک کہا: ہے۔ “