صحیح ابن حبان

سیدنا انس بن مالک رضی اللہ عنہ بیان کرتے ہیں: سیدہ ام سلیم رضی اللہ عنہا نے میرے ذریعے ایک برتن میں کچھ تازہ کھجوریں نبی اکرم صلی اللہ علیہ وسلم کو بھجوائیں، میں نے آپ صلی اللہ علیہ وسلم کو گھر میں نہیں پایا۔ لوگوں نے بتایا: نبی اکرم صلی اللہ علیہ وسلم قریب ہی تشریف لے گئے ہیں، تو آپ ایک درزی کے ہاں تھے جو آپ کا آزاد کردہ غلام تھا، اس نے آپ کے لیے کھانا تیار کیا تھا، جس میں کدو اور گوشت تھا، راوی کہتے ہیں: میں نے دیکھا کہ نبی اکرم صلی اللہ علیہ وسلم کو کدو اچھے لگے ہیں، تو میں نے وہ نبی اکرم صلی اللہ علیہ وسلم کے آگے کرنا شروع کر دیے۔ پھر نبی اکرم صلی اللہ علیہ وسلم اپنے گھر واپس تشریف لائے تو میں نے وہ برتن آپ کے آگے رکھا۔ نبی اکرم صلی اللہ علیہ وسلم انہیں کھاتے بھی رہے اور تقسیم بھی کرتے رہے۔ یہاں تک کہ اس برتن میں کوئی چیز باقی نہیں رہی۔