صحیح ابن حبان

امام محمد باقر رحمہ اللہ اور نافع یہ بات بیان کرتے ہیں: عمرو بن نافع نے یہ بات بتائی۔ یہ صاحب نبی اکرم صلی اللہ علیہ وسلم کی ازواج کے عہد میں قرآن کریم کی کتابت کیا کرتے تھے۔ وہ کہتے ہیں: سیدہ حفصہ رضی اللہ عنہا نے مجھ سے قرآن کریم لکھنے کی فرمائش کی۔ انہوں نے فرمایا: جب تم سورۃ البقرہ کی اس آیت تک پہنچو تو اسے اس وقت تک تحریر نہ کرنا جب تک تم میرے پاس نہیں آتے، میں یہ تمہیں اسی طرح املاء کرواؤں گی، جس طرح میں نے نبی اکرم صلی اللہ علیہ وسلم کی زبانی سن کر اسے یاد رکھا ہے۔ راوی کہتے ہیں: جب میں اس آیت پر پہنچا تو میں وہ ورقہ لے کر سیدہ حفصہ رضی اللہ عنہا کی خدمت میں حاضر ہوا جس پر میں قرآن لکھ رہا تھا تو سیدہ حفصہ رضی اللہ عنہا نے فرمایا: تم یوں لکھو۔ ” تم لوگ نمازوں کی حفاظت کرو اور بطور خاص درمیانی نماز کی جو عصر کی نماز ہے تم اللہ کی بارگاہ میں عاجزی کے ساتھ کھڑے رہو۔ “