صحیح ابن حبان

سیدنا عبداللہ بن عباس رضی الللہ عنہما فرماتے ہیں سیدنا جبرائیل علیہ السلام نبی اکرم صلی اللہ علیہ وسلم کی خدمت میں حاضر ہوئے۔ انہوں نے عرض کی: اے سیدنا محمد صلی اللہ علیہ وسلم بے شک اللہ تعالیٰ نے شراب پر، اسے نچوڑنے والے پر، اسے نچڑوانے والے پر، اسے اٹھانے والے پر، جس کے لئے اٹھا کر لے جائی جا رہی ہے اس پر، اسے پینے والے پر، اسے فروخت کرنے والے پر، اسے خریدنے والے پر، اسے پلانے والے پر، اور جسے وہ پلائی جا رہی ہے، اس پر لعنت کی ہے۔