صحیح ابن حبان

سیدنا محمد بن حاطب رضی اللہ عنہ بیان کرتے ہیں: میرے ہاتھ پر سالن گر گیا، اس نے اسے جلا دیا۔ میری والدہ مجھے لے کر نبی اکرم صلی اللہ علیہ وسلم کی خدمت میں حاضر ہوئیں، تو آپ صلی اللہ علیہ وسلم اس وقت کھلی جگہ پر تشریف فرما تھے مجھے یہ بات یاد ہے کہ آپ صلی اللہ علیہ وسلم نے یہ پڑھا تھا۔ ” تو تکلیف کو دور کر دے اے لوگوں کے پروردگار۔ “ اور میرا غالب علم یہی ہے کہ آپ صلی اللہ علیہ وسلم نے یہ پڑھا تھا: ” تو شفا عطا کرنے والا ہے صرف، تو ہی شفا عطا کر سکتا ہے۔ “