صحیح ابن حبان

عروہ بن زبیر بیان کرتے ہیں: سیدنا عبداللہ بن زبیر رضی اللہ عنہ نے انہیں بتایا کہ انصار سے تعلق رکھنے والے ایک شخص کا نبی اکرم صلی اللہ علیہ وسلم کے سامنے حرہ سے آنے والی پانی کی نالی کے بارے میں سیدنا زبیر رضی اللہ عنہ کے ساتھ جھگڑا ہوا گیا جس کے ذریعے کھجوروں کے باغوں کو سیراب کیا جاتا تھا۔
اس انصاری نے کہا: آپ پانی کو چھوڑ دیجئے تاکہ وہ گزر جائے، تو سیدنا زبیر رضی اللہ عنہ نے اس کی یہ بات تسلیم نہیں کی (یہ مقدمہ نبی اکرم صلی اللہ علیہ وسلم کے سامنے پیش ہوا تو) تو نبی اکرم صلی اللہ علیہ وسلم نے ارشاد فرمایا: اے زبیر! (تم اپنے باغ کو سیراب کر لو) پھر اپنے پڑوسی کے لئے (پانی کو) چھوڑ دو، تو وہ انصاری غصے میں آ گیا اور بولا: یا رسول اللہ! (آپ نے یہ فیصلہ اس لئے دیا ہے) کیونکہ یہ آپ کے پھوپھی زاد ہیں، تو نبی اکرم صلی اللہ علیہ وسلم کے چہرہ مبارک کا رنگ تبدیل ہو گیا پھر نبی اکرم صلی اللہ علیہ وسلم نے ارشاد فرمایا: اے زبیر! تم اپنے (باغ کو سیراب کرو اور پھر پانی کو روکے رکھو، یہاں تک کہ وہ منڈیروں تک پہنچ جائے ۔“
سیدنا زبیر رضی اللہ عنہ بیان کرتے ہیں: اللہ کی قسم! میں یہ سمجھتا ہوں کہ یہ آیت اسی بارے میں نازل ہوئی تھی:
” تمہارے پروردگار کی قسم! یہ لوگ اس وقت تک مومن نہیں ہو سکتے، جب تک آپس کے اختلافی معاملات کے بارے میں تمہیں ثالث تسلیم نہ کریں ۔“