صحيح الادب المفرد

عدی بن ارطاۃ بیان کرتے ہیں کہ نبی صلی اللہ علیہ وسلم کے صحابہ میں سے کسی آدمی کو پاک باز قرار دیا جاتا تو کہتا : اے اللہ ! یہ لوگ جو ( میرے بارے میں) کہتے ہیں اس کا مجھ سے مواخذہ نہ کرنا اور جو (میری کوتاہیاں یہ ) نہیں جانتے اس پر مجھے مغفرت عطا کرنا ۔

ابوقلابہ سے مروی ہے کہ ابوعبداللہ نے ابومسعود سے کہا : یا ابومسعود نے ابوعبداللہ سے کہا : آپ نے نبی صلی اللہ علیہ وسلم سے «زعم» کے بارے میں کیا سنا ہے ۔ کہا : «زعم» کسی شخص کی بری سواری ہے (یعنی یہ جھوٹ ہے ) ۔

ابومسعود نے کہا : اور میں نے آپ صلی اللہ علیہ وسلم کو فرماتے سنا : مومن پر لعنت کرنا ایسا ہی ہے جیسے اسے قتل کرنا ۔