صحيح الادب المفرد

محمد بن زیاد بیان کرتے ہیں کہ میں نے سلف (صحابہ) کا زمانہ پایا ہے ۔ یہ لوگ ایک ہی مکان میں اپنے اہل و عیال کے ساتھ زندگی بسر کرتے تھے ۔ اکثر ایسا ہوتا تھا کہ کسی کے پاس مہمان آتا اور دوسرے کی دیگچی آگ پر ہوتی ۔ صاحب مہمان وہ دیگچی اپنے مہمان کے لیے لے جاتا ۔ جس کی دیگچی ہوتی وہ اپنی دیگچی نہ پاتا تو پوچھتا دیگچی کون لے گیا ، مہمان جس کے پاس ہوتا وہ کہتا ہم نے مہمان کے لیے لے لی ہے ۔ دیگچی کا مالک کہتا : اللہ تجھے اس میں برکت دے ، یا اسی قسم کا کوئی جملہ کہہ دیتا ۔ بقیہ نے کہا: محمد کہتے تھے : روٹی پکانے میں بھی یہی ہوتا تھا ۔ اور ان دونوں گھرانوں کے مابین لکڑی کی دیواریں ہی ہوتی تھیں ۔ بقیہ کہتے ہیں : میں نے بھی یہ پایا یعنی محمد بن زیاد اور ان کے دوستوں کا یہی حال پایا ۔